Foto: Aqorda
Memleket basshysy Qasym-Jomart Toqaev el turǵyndaryn Qazaqstan halqynyń birligi kúnimen quttyqtady, dep habarlaidy Aqorda.
Qadirli otandastar!
Qazaqstan halqynyń birligi kúni qutty bolsyn!
Bul – tatýlyq pen tynyshtyqtyń, turaqtylyq pen beibitshiliktiń simvoly sanalatyn mereili mereke.
Qazaq jerin meken etken san alýan etnostyń mádenieti, dini men dástúri ózara úndesip, biregei órkenietke ainaldy. Búginde elimizdiń barsha azamattary birtutas ult bolyp Ádiletti Qazaqstandy quryp jatyr. Yrysty yntymaqtyń arqasynda halqymyzdyń qýaty arta túsedi. Sondyqtan biz birligimizdi nyǵaitýǵa bar kúsh-jigerimizdi jumyldyrýymyz kerek. Bul – árbir azamattyń mártebeli mindeti ári perzenttik paryzy.
El birligi, ásirese, qiyn-qystaý sátterde synalady. Biyl biz buryn-sońdy bolmaǵan «alapat tasqynmen» birlese kúresip jatyrmyz. Ár azamattyń bir-birine tileýlestigi arqyly búkil ulttyń tutastyǵyn tanyta bildik. Qazaqstan halqy tarihtyń kúrdeli kezeńinde jurt bolyp jumylyp, tabysqa jete alatynyn taǵy da dáleldedi.
Halqymyz jasampazdyq pen jańashyldyq, eńbekqorlyq pen bilimpazdyq, janashyrlyq pen jaýapkershilik siiaqty asyl qasietteriniń arqasynda ósip-órkendei beredi dep senemin.
Barshańyzǵa zor densaýlyq, tolaǵai tabys tileimin!
Ár shańyraqqa qut-bereke darysyn!
