Qazaqstan Prezidenti Qasym-Jomart Toqaev informburo.kz aqparattyq-saraptamalyq portalyna bergen ekskliýzivti suhbatynda belsendi Dýlat Aǵadildiń ólimine qatysty pikir bildirdi, dep habarlaidy "Ult aqparat".
«Qoǵamdyq úlken rezonansqa bailanysty bul ispen tyńǵylyqty tanysyp shyqtym. Ókinishke orai, belsendi Aǵadil júrek jetispeýshiligi saldarynan qaza tapqandyǵyn nyq senimmen qýattai alamyn. Keri sendirýge tyrysý – demek shyndyqqa qarsy shyǵý. Qaza tapqan azamat kim bolsa da, qandai kózqarasty ustansa da, ol - eń aldymen adam. Adam ómiri biregei ári baǵa jetpes qundylyq. Bárimiz de Alla taǵalanyń jazmyshyna moiynsunamyz. Imandy bolsyn», – dedi QR Prezidenti.
Aita keteiik, 25 aqpanda ishki ister organdary Nur-Sultandaǵy tergeý izoliatorynda qoǵam belsendisi Dýlat Aǵadildiń qaitys bolǵanyn habarlady. Oqiǵa ornyna jetken jedel járdem brigada qyzmetkerleri er adamnyń ólimin rastady.
Aǵadil qańtar aiynda syrttai aiypty dep tanylyp, oǵan qatysty eshqaida ketpeý týraly bultartpaý sharasy qoldanylǵan edi. Muny oryndamaǵany úshin sot qoǵam belsendisine qatysty sharany qamaýǵa almastyrdy.
24 aqpan kúni keshke Aǵadil úiinen tergeý abaqtysyna jetkizildi. Oǵan qatysty qylmystyq zańbuzýshylyq jasap, sýdia men sot otyrysyna qatysýshylarǵa til tigizgeni úshin qylmystyq is qozǵalǵan bolatyn.
