Elimizdiń diplomatiialyq qyzmetiniń otyz jyldyq mereitoiy halqymyz Jańa Qazaqstan qurýǵa kirisken syndarly sátpen tuspa-tus keldi.
Bul jaiynda QR Prezidenti Qasym-Jomart Toqaevtyń «Halyqaralyq qatynastardyń qazirgi zamanǵy júiesindegi Qazaqstan Respýblikasy» atty halyqaralyq konferentsiia qatysýshylaryna joldaǵan quttyqtaý hatynda aitylǵan, dep habarlaidy QazAqparat.
«Qurmetti Qazaqstan Respýblikasy diplomatiialyq qyzmetiniń ardagerleri men qyzmetkerleri! Sizderdi elimizdiń diplomatiialyq qyzmetiniń 30 jyldyq mereitoiymen shyn júrekten quttyqtaimyn. Biz osynaý tarihi mejege úlken jetistiktermen jettik», - delingen QR Syrtqy ister ministri Muhtar Tileýberdi oqyp bergen Memleket basshysynyń hatynda.
QR Prezidentiniń atap ótýinshe, elimiz 186 elmen qarym-qatynas ornatyp, 50 halyqaralyq uiymnyń múshesi boldy.
«Biz óńirlik jáne jahandyq protsesterge belsendi qatysatyn ornyqty ári bedeldi memleketke ainaldyq. Sizder táýelsizdigimizdiń alǵashqy kúninen elimizdiń múddesin halyqaralyq arenada qorǵap kelesizder. Qazirgi geosaiasi turaqsyzdyq jaǵdaiynda sizder jahandyq álemde Qazaqstannyń ustanymyn nyǵaitýǵa jáne shet memlekettermen yntymaqtastyqty damytýǵa úlken úles qosasyzdar», - dedi Qasym-Jomart Toqaev.
Memleket basshysy elimizdiń diplomatiialyq qyzmetiniń otyz jyldyq mereitoiy halqymyz Jańa Qazaqstan qurýǵa kirisken syndarly sátpen tuspa-tus kelgenin basa atap ótedi.
«Osyǵan orai Syrtqy ister ministrligine úlken jaýapkershilik júkteledi. Diplomattardyń basty mindeti - memleketimizdiń álemdegi mártebesin odan ary arttyrý, syrtqy qaýipsizdikti qamtamasyz etý, sheteldegi azamattarymyzdyń quqyqtary men múúddelerin qorǵaý», - dedi QR Prezidenti.
