Prezident Densaýlyq saqtaý ministri Aleksei Tsoidy qabyldady, dep habarlaidy Aqorda.
Qasym-Jomart Toqaevqa Qazaqstandaǵy qazirgi sanitarlyq-epidemiologiialyq ahýal jáne turǵyndarǵa ekpe salý barysy týraly esep berildi.
Ministrdiń aitýynsha, jalpy elimizdegi ahýal turaqty, ótken ailarmen salystyrǵanda indet juqtyrǵandardyń sany eki ese qysqarǵan.
Respýblika boiynsha ólim-jitim kórsetkishi 2 aptanyń ishinde 1,6 ese tómendegen.
Óńirlerdegi epidemiologiialyq ahýaldyń jaqsarýyna bailanysty aýrýhanalarda em alyp jatqan naýqastardyń sany azaiǵan.
16 maýsymdaǵy jaǵdai boiynsha Memleket basshysyna usynylǵan málimetterge sáikes COVID-19 indetine qarsy vaktsinanyń birinshi komponenti 2 million 587 myń adamǵa, ekinshi komponenti 1 million 480 myń adamǵa salynǵan.
Kún saiyn shamamen 80-100 myń adamǵa ekpe egiledi. Óńirlerde vaktsina tapshylyǵy joq. Vaktsina kestege sáikes jetkizilýde.
Qasym-Jomart Toqaev halyqty vaktsinalaý máselesine nazar aýdaryp, óńirler boiynsha atalǵan baǵyttaǵy jumystardy kúsheitýdi tapsyrdy.
Prezident ekpe egý koronavirýs indetin eńserýdiń birden-bir joly ekenin eske salyp, halyqty Qazaqstanda qoljetimdi vaktsinalardy belsendi túrde salǵyzýǵa shaqyrdy.
Memleket basshysy dárigerlerdi qorǵaý máselesine arnaiy toqtaldy.
Onyń pikirinshe, meditsina qyzmetkerleriniń quqyqtyq jáne áleýmettik turǵydan qorǵalýy áli de tómen deńgeide qalyp otyr.
Osy oraida dárigerlerdiń mártebesin aiqyndaýdyń jáne olardy yntalandyrýdyń keshendi júiesin engizý qajet.
Qasym-Jomart Toqaev Aleksei Tsoiǵa meditsina qyzmetkerleriniń mártebesin qoldaý jónindegi zańnamalyq bastamalardy pysyqtaýdy tapsyrdy.
