پرەزيدەنت دەنساۋلىق ساقتاۋ مينيسترٸ الەكسەي تسويدى قابىلدادى, دەپ حابارلايدى اقوردا.
قاسىم-جومارت توقاەۆقا قازاقستانداعى قازٸرگٸ سانيتارلىق-ەپيدەميولوگييالىق احۋال جەنە تۇرعىندارعا ەكپە سالۋ بارىسى تۋرالى ەسەپ بەرٸلدٸ.
مينيستردٸڭ ايتۋىنشا, جالپى ەلٸمٸزدەگٸ احۋال تۇراقتى, ٶتكەن ايلارمەن سالىستىرعاندا ٸندەت جۇقتىرعانداردىڭ سانى ەكٸ ەسە قىسقارعان.
رەسپۋبليكا بويىنشا ٶلٸم-جٸتٸم كٶرسەتكٸشٸ 2 اپتانىڭ ٸشٸندە 1,6 ەسە تٶمەندەگەن.
ٶڭٸرلەردەگٸ ەپيدەميولوگييالىق احۋالدىڭ جاقسارۋىنا بايلانىستى اۋرۋحانالاردا ەم الىپ جاتقان ناۋقاستاردىڭ سانى ازايعان.
16 ماۋسىمداعى جاعداي بويىنشا مەملەكەت باسشىسىنا ۇسىنىلعان مەلٸمەتتەرگە سەيكەس COVID-19 ٸندەتٸنە قارسى ۆاكتسينانىڭ بٸرٸنشٸ كومپونەنتٸ 2 ميلليون 587 مىڭ ادامعا, ەكٸنشٸ كومپونەنتٸ 1 ميلليون 480 مىڭ ادامعا سالىنعان.
كٷن سايىن شامامەن 80-100 مىڭ ادامعا ەكپە ەگٸلەدٸ. ٶڭٸرلەردە ۆاكتسينا تاپشىلىعى جوق. ۆاكتسينا كەستەگە سەيكەس جەتكٸزٸلۋدە.
قاسىم-جومارت توقاەۆ حالىقتى ۆاكتسينالاۋ مەسەلەسٸنە نازار اۋدارىپ, ٶڭٸرلەر بويىنشا اتالعان باعىتتاعى جۇمىستاردى كٷشەيتۋدٸ تاپسىردى.
پرەزيدەنت ەكپە ەگۋ كوروناۆيرۋس ٸندەتٸن ەڭسەرۋدٸڭ بٸردەن-بٸر جولى ەكەنٸن ەسكە سالىپ, حالىقتى قازاقستاندا قولجەتٸمدٸ ۆاكتسينالاردى بەلسەندٸ تٷردە سالعىزۋعا شاقىردى.
مەملەكەت باسشىسى دەرٸگەرلەردٸ قورعاۋ مەسەلەسٸنە ارنايى توقتالدى.
ونىڭ پٸكٸرٸنشە, مەديتسينا قىزمەتكەرلەرٸنٸڭ قۇقىقتىق جەنە ەلەۋمەتتٸك تۇرعىدان قورعالۋى ەلٸ دە تٶمەن دەڭگەيدە قالىپ وتىر.
وسى ورايدا دەرٸگەرلەردٸڭ مەرتەبەسٸن ايقىنداۋدىڭ جەنە ولاردى ىنتالاندىرۋدىڭ كەشەندٸ جٷيەسٸن ەنگٸزۋ قاجەت.
قاسىم-جومارت توقاەۆ الەكسەي تسويعا مەديتسينا قىزمەتكەرلەرٸنٸڭ مەرتەبەسٸن قولداۋ جٶنٸندەگٸ زاڭنامالىق باستامالاردى پىسىقتاۋدى تاپسىردى.
