Qazaqstan Prezidenti Qasym-Jomart Toqaev dárilerdiń jetispeýshiligi men onyń baǵasyn qoldan qymbattatý máselesin tez arada retteýdi tapsyrdy, dep habarlaidy «Ult aqparat».
Bul týraly Prezident Qasym-Jomart Toqaev Úkimettiń keńeitilgen otyrysynda aitty.
«Biz qazir dárilerdiń jetispeýshiligi men onyń baǵasyn qoldan qymbattatý máselesin sheshýge májbúr bolyp otyrmyz. Bul jaǵdaidy tez arada rettep, barlyq óńirdi dári-dármekpen qamtamasyz etý kerek. Jumys júrgizilýde. Endi nátije kerek», - dedi Qasym-Jomart Toqaev Úkimettiń keńeitilgen otyrysynda.
Eske sala ketsek, Memleket basshysy Qasym-Jomart Toqaevtyń tóraǵalyǵymen Úkimettiń keńeitilgen otyrysy beine bailanys júiesi arqyly bolyp jatyr.
Jiynda Úkimet 2020 jyldyń alǵashqy jarty jyldyǵyndaǵy elimizdiń áleýmettik-ekonomikalyq damý qorytyndysy týraly esep berýde. Sondai-aq koronavirýsqa qarsy kúreske qatysty qabyldanǵan sharalar, Memleket basshysynyń Úkimettiń aldaǵy ýaqytta atqaratyn jumysynyń negizgi baǵyttary boiynsha bergen tapsyrmalary men mindetteri qarastyrylady.
