قازاقستان پرەزيدەنتٸ قاسىم-جومارت توقاەۆ دەرٸلەردٸڭ جەتٸسپەۋشٸلٸگٸ مەن ونىڭ باعاسىن قولدان قىمباتتاتۋ مەسەلەسٸن تەز ارادا رەتتەۋدٸ تاپسىردى, دەپ حابارلايدى «ۇلت اقپارات».
بۇل تۋرالى پرەزيدەنت قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا ايتتى.
«بٸز قازٸر دەرٸلەردٸڭ جەتٸسپەۋشٸلٸگٸ مەن ونىڭ باعاسىن قولدان قىمباتتاتۋ مەسەلەسٸن شەشۋگە مەجبٷر بولىپ وتىرمىز. بۇل جاعدايدى تەز ارادا رەتتەپ, بارلىق ٶڭٸردٸ دەرٸ-دەرمەكپەن قامتاماسىز ەتۋ كەرەك. جۇمىس جٷرگٸزٸلۋدە. ەندٸ نەتيجە كەرەك», - دەدٸ قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا.
ەسكە سالا كەتسەك, مەملەكەت باسشىسى قاسىم-جومارت توقاەۆتىڭ تٶراعالىعىمەن ٷكٸمەتتٸڭ كەڭەيتٸلگەن وتىرىسى بەينە بايلانىس جٷيەسٸ ارقىلى بولىپ جاتىر.
جيىندا ٷكٸمەت 2020 جىلدىڭ العاشقى جارتى جىلدىعىنداعى ەلٸمٸزدٸڭ ەلەۋمەتتٸك-ەكونوميكالىق دامۋ قورىتىندىسى تۋرالى ەسەپ بەرۋدە. سونداي-اق كوروناۆيرۋسقا قارسى كٷرەسكە قاتىستى قابىلدانعان شارالار, مەملەكەت باسشىسىنىڭ ٷكٸمەتتٸڭ الداعى ۋاقىتتا اتقاراتىن جۇمىسىنىڭ نەگٸزگٸ باعىتتارى بويىنشا بەرگەن تاپسىرمالارى مەن مٸندەتتەرٸ قاراستىرىلادى.
