Densaýlyq saqtaý ministri Eljan Birtanov dárigerlerdiń jaýapkershiligi týraly pikirimen bólisti, dep habarlaidy "Ult aqparat".
«Dárigerler eshqandai jaýapkershilik artpaýy kerek dep aq halatty abzal jandardyń biri de aitpaidy. Álemdik normalar men talaptar bar. Dárigerler de qylmystyq jaýapqa tartylýy múmkin, qatelik jiberse tartylýy da kerek. Atap aitqanda eger dáriger meditsinalyq kómek kórsetpese nemese esirtki zatynyń ainalymymen bailanysy bolsa álbette jazalanady. Alaida Prezident «dárigerdiń qateligi» men «olaqtyqtyń» ara jigin ajyratýdy tapsyrdy. Mine, osy másele tóńireginde talqylaý bolady. Sebebi biz – meditsinadaǵy keleńsizdiktermen kúres júrgizý jáne meditsinalyq kómektiń standarttaryn saqtaýda tolyqqandy jaýapkershilikti moinymyzǵa alamyz jáne oǵan kepildik beremiz deýimiz kerek», - dedi Eljan Birtanov Densaýlyq saqtaý ministrliginiń Facebook paraqshasynda «Habar 24» arnasy tilshisiniń suraǵyna jaýap bere otyryp.
Ministrdiń aitýyna qaraǵanda, dárigerdiń barynsha jumys júrgizgenin, alaida «meditsinalyq oqiǵanyń» tirkelý jaǵdaiyn da ajyratyp alý kerektigin aityp ótti.
«Dáriger meditsinalyq qyzmetti kórsetý kezinde qandai da bir standarttardyń saqtalmaǵany anyqtalsa – ol qylmystyq jaýapqa tartylmaýy kerek. Ol úshin ákimshilik jaýapkershilik bar. Eń bastysy ol jerde diplomnan aiyrýǵa deiingi kásibi jaýapkershiliktiń de baryn umytpaý kerek», - dedi Eljan Birtanov.
