دەنساۋلىق ساقتاۋ مينيسترٸ ەلجان بٸرتانوۆ دەرٸگەرلەردٸڭ جاۋاپكەرشٸلٸگٸ تۋرالى پٸكٸرٸمەن بٶلٸستٸ, دەپ حابارلايدى "ۇلت اقپارات".
«دەرٸگەرلەر ەشقانداي جاۋاپكەرشٸلٸك ارتپاۋى كەرەك دەپ اق حالاتتى ابزال جانداردىڭ بٸرٸ دە ايتپايدى. ەلەمدٸك نورمالار مەن تالاپتار بار. دەرٸگەرلەر دە قىلمىستىق جاۋاپقا تارتىلۋى مٷمكٸن, قاتەلٸك جٸبەرسە تارتىلۋى دا كەرەك. اتاپ ايتقاندا ەگەر دەرٸگەر مەديتسينالىق كٶمەك كٶرسەتپەسە نەمەسە ەسٸرتكٸ زاتىنىڭ اينالىمىمەن بايلانىسى بولسا ەلبەتتە جازالانادى. الايدا پرەزيدەنت «دەرٸگەردٸڭ قاتەلٸگٸ» مەن «ولاقتىقتىڭ» ارا جٸگٸن اجىراتۋدى تاپسىردى. مٸنە, وسى مەسەلە تٶڭٸرەگٸندە تالقىلاۋ بولادى. سەبەبٸ بٸز – مەديتسيناداعى كەلەڭسٸزدٸكتەرمەن كٷرەس جٷرگٸزۋ جەنە مەديتسينالىق كٶمەكتٸڭ ستاندارتتارىن ساقتاۋدا تولىققاندى جاۋاپكەرشٸلٸكتٸ موينىمىزعا الامىز جەنە وعان كەپٸلدٸك بەرەمٸز دەۋٸمٸز كەرەك», - دەدٸ ەلجان بٸرتانوۆ دەنساۋلىق ساقتاۋ مينيسترلٸگٸنٸڭ Facebook پاراقشاسىندا «حابار 24» ارناسى تٸلشٸسٸنٸڭ سۇراعىنا جاۋاپ بەرە وتىرىپ.
مينيستردٸڭ ايتۋىنا قاراعاندا, دەرٸگەردٸڭ بارىنشا جۇمىس جٷرگٸزگەنٸن, الايدا «مەديتسينالىق وقيعانىڭ» تٸركەلۋ جاعدايىن دا اجىراتىپ الۋ كەرەكتٸگٸن ايتىپ ٶتتٸ.
«دەرٸگەر مەديتسينالىق قىزمەتتٸ كٶرسەتۋ كەزٸندە قانداي دا بٸر ستاندارتتاردىڭ ساقتالماعانى انىقتالسا – ول قىلمىستىق جاۋاپقا تارتىلماۋى كەرەك. ول ٷشٸن ەكٸمشٸلٸك جاۋاپكەرشٸلٸك بار. ەڭ باستىسى ول جەردە ديپلومنان ايىرۋعا دەيٸنگٸ كەسٸبي جاۋاپكەرشٸلٸكتٸڭ دە بارىن ۇمىتپاۋ كەرەك», - دەدٸ ەلجان بٸرتانوۆ.
