Foto: Akorda.kz
Prezident BUU delegatsiiasyn qabyldady, dep habarlaidy "Ult aqparat" Aqordanyń resmi saityna silteme jasap.
Memleket basshysy Qasym-Jomart Toqaev BUU delegatsiiasymen – BUU Bas hatshysynyń orynbasary – BUU Aziia jáne Tynyq muhity úshin ekonomikalyq jáne áleýmettik komissiiasynyń Atqarýshy hatshysy Armida Alisdjabanmen, Bas hatshynyń saiasi máseleler jónindegi kómekshisi Miroslav Enchimen jáne BUU Bas hatshysynyń kómekshisi – BUU Damý baǵdarlamasy ákimshisiniń kómekshisi Ivana Jivkovichpen kezdesý ótkizdi.
Kezdesýge qatysýshylar Qazaqstan men BUU institýttary arasyndaǵy kópjaqty yntymaqtastyqty damytý perspektivalaryn talqylady, sondai-aq halyqaralyq jáne óńirlik kún tártibindegi ózekti máseleler jóninde pikir almasty.
Prezident Astana halyqaralyq forýmyna belsendi qatysqany úshin diplomattarǵa rizashylyǵyn bildirip, olardyń BUU aiasyndaǵy usynystary forým jumysynyń mazmunyn baiytýǵa úles qosqanyn aitty.
Memleket basshysy BUU-nyń beibitshilikti nyǵaitý, qaýipsizdik pen jahandyq damýdy qamtamasyz etý isindegi airyqsha róline nazar aýdardy. Qasym-Jomart Toqaev BUU Qaýipsizdik Keńesin jan-jaqty reforma júrgizý qajettigine jáne osy organnyń ókildigin keńeitýdiń mańyzdylyǵyna toqtaldy.
Prezident osy ámbebap uiymnyń rólin nyǵaitý maqsatynda Qazaqstan BUU-men kúsh biriktirýge nietti ekenin rastady.
Qazaqstanda BUU-nyń 20-dan astam bólimshesi tabysty jumys istep jatyr. Osy rette Almaty qalasynda Ortalyq Aziia men Aýǵanstan úshin Ornyqty damý maqsattary jónindegi óńirlik ortalyq qurý mańyzdy ekeni atap ótildi. Bul ortalyqtyń qyzmeti 2030 jylǵa deiingi kún tártibin ilgeriletý úshin keshendi sharalar qabyldaý arqyly BUU agenttikteriniń óńirdegi elder úkimetterimen aradaǵy úilesimdilikti nyǵaitýǵa baǵyttalady.
Óz kezeginde joǵary laýazymdy diplomattar Astana halyqaralyq forýmy týraly ózderiniń áserin ortaǵa salyp, qazirgi zamannyń ózekti syn-qaterlerin sheshý tásilderin ázirleýde osy alań strategiialyq turǵyda mańyzdy ekenin atap ótti.
Sondai-aq kezdesýde kólik-logistika áleýeti men tsifrlandyrý protsesi turǵysynan Ortalyq Aziianyń strategiialyq róline nazar aýdaryldy.
Kezdesý sońynda Memleket basshysy BUU Bas hatshysy Antoniý Gýterrishke júrekjardy sálemin joldady.
