فوتو: Akorda.kz
پرەزيدەنت بۇۇ دەلەگاتسيياسىن قابىلدادى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
مەملەكەت باسشىسى قاسىم-جومارت توقاەۆ بۇۇ دەلەگاتسيياسىمەن – بۇۇ باس حاتشىسىنىڭ ورىنباسارى – بۇۇ ازييا جەنە تىنىق مۇحيتى ٷشٸن ەكونوميكالىق جەنە ەلەۋمەتتٸك كوميسسيياسىنىڭ اتقارۋشى حاتشىسى ارميدا اليسدجابانمەن, باس حاتشىنىڭ ساياسي مەسەلەلەر جٶنٸندەگٸ كٶمەكشٸسٸ ميروسلاۆ ەنچيمەن جەنە بۇۇ باس حاتشىسىنىڭ كٶمەكشٸسٸ – بۇۇ دامۋ باعدارلاماسى ەكٸمشٸسٸنٸڭ كٶمەكشٸسٸ يۆانا جيۆكوۆيچپەن كەزدەسۋ ٶتكٸزدٸ.
كەزدەسۋگە قاتىسۋشىلار قازاقستان مەن بۇۇ ينستيتۋتتارى اراسىنداعى كٶپجاقتى ىنتىماقتاستىقتى دامىتۋ پەرسپەكتيۆالارىن تالقىلادى, سونداي-اق حالىقارالىق جەنە ٶڭٸرلٸك كٷن تەرتٸبٸندەگٸ ٶزەكتٸ مەسەلەلەر جٶنٸندە پٸكٸر الماستى.
پرەزيدەنت استانا حالىقارالىق فورۋمىنا بەلسەندٸ قاتىسقانى ٷشٸن ديپلوماتتارعا ريزاشىلىعىن بٸلدٸرٸپ, ولاردىڭ بۇۇ اياسىنداعى ۇسىنىستارى فورۋم جۇمىسىنىڭ مازمۇنىن بايىتۋعا ٷلەس قوسقانىن ايتتى.
مەملەكەت باسشىسى بۇۇ-نىڭ بەيبٸتشٸلٸكتٸ نىعايتۋ, قاۋٸپسٸزدٸك پەن جاھاندىق دامۋدى قامتاماسىز ەتۋ ٸسٸندەگٸ ايرىقشا رٶلٸنە نازار اۋداردى. قاسىم-جومارت توقاەۆ بۇۇ قاۋٸپسٸزدٸك كەڭەسٸن جان-جاقتى رەفورما جٷرگٸزۋ قاجەتتٸگٸنە جەنە وسى ورگاننىڭ ٶكٸلدٸگٸن كەڭەيتۋدٸڭ ماڭىزدىلىعىنا توقتالدى.
پرەزيدەنت وسى ەمبەباپ ۇيىمنىڭ رٶلٸن نىعايتۋ ماقساتىندا قازاقستان بۇۇ-مەن كٷش بٸرٸكتٸرۋگە نيەتتٸ ەكەنٸن راستادى.
قازاقستاندا بۇۇ-نىڭ 20-دان استام بٶلٸمشەسٸ تابىستى جۇمىس ٸستەپ جاتىر. وسى رەتتە الماتى قالاسىندا ورتالىق ازييا مەن اۋعانستان ٷشٸن ورنىقتى دامۋ ماقساتتارى جٶنٸندەگٸ ٶڭٸرلٸك ورتالىق قۇرۋ ماڭىزدى ەكەنٸ اتاپ ٶتٸلدٸ. بۇل ورتالىقتىڭ قىزمەتٸ 2030 جىلعا دەيٸنگٸ كٷن تەرتٸبٸن ٸلگەرٸلەتۋ ٷشٸن كەشەندٸ شارالار قابىلداۋ ارقىلى بۇۇ اگەنتتٸكتەرٸنٸڭ ٶڭٸردەگٸ ەلدەر ٷكٸمەتتەرٸمەن اراداعى ٷيلەسٸمدٸلٸكتٸ نىعايتۋعا باعىتتالادى.
ٶز كەزەگٸندە جوعارى لاۋازىمدى ديپلوماتتار استانا حالىقارالىق فورۋمى تۋرالى ٶزدەرٸنٸڭ ەسەرٸن ورتاعا سالىپ, قازٸرگٸ زاماننىڭ ٶزەكتٸ سىن-قاتەرلەرٸن شەشۋ تەسٸلدەرٸن ەزٸرلەۋدە وسى الاڭ ستراتەگييالىق تۇرعىدا ماڭىزدى ەكەنٸن اتاپ ٶتتٸ.
سونداي-اق كەزدەسۋدە كٶلٸك-لوگيستيكا ەلەۋەتٸ مەن تسيفرلاندىرۋ پروتسەسٸ تۇرعىسىنان ورتالىق ازييانىڭ ستراتەگييالىق رٶلٸنە نازار اۋدارىلدى.
كەزدەسۋ سوڭىندا مەملەكەت باسشىسى بۇۇ باس حاتشىسى انتونيۋ گۋتەرريشكە جٷرەكجاردى سەلەمٸن جولدادى.
