Almatyda «Digital Almaty 2021 – tsifrlyq qaita jańǵyrý: jańa jaǵdaiǵa serpilis» atty halyqaralyq forýmy bastaldy, dep habarlaidy QazAqparat.
Memleket basshysy Qasym-Jomart Toqaevtyń forým qatysýshylaryna videoúndeý joldady.
«Sizderdi bizdiń elimiz úshin asa mańyzdy sharada kórgenime qýanyshtymyn. Mártebeli qonaqtardyń arasynda jeti eldiń úkimet basshylary, TMD Eýraziialyq ekonomikalyq komissiiasy atqarý komitetiniń jetekshileri bar. Bul forýmnyń mańyzdylyǵyn arttyra túsedi. Bizde memlekettik qyzmettiń 90 paiyzy elektrondy formatta kórsetiledi. Daǵdarys kezinde 6,5 mln adam memlekettiń qoldaýyna ie boldy. Bilim beretin mekemelerdiń barlyǵy qashyqtan oqý úrdisine kóshti. Elimizde 15 mln-nan astam adam internetti qoldanady. Bolashaq – tehnologiialar men innovatsiialardyń enshisinde ekenin jaqsy túsinemiz. Bul salada básekelestik óte joǵary. Sarapshylardyń pikirinshe 2021 jyly tehnikalyq jáne tehnologiialyq naryq jáne baǵdarlamalyq sheshimder jasandy intellektige baǵattalady. Symsyz ǵalamtor men sandyq júielerdiń úlesi 35 paiyzǵa artyp, 12 mlrd AQSh dollaryna jetedi. 2025 jylǵa qarai 5G tehnologiiasy kásiporyndarǵa ózderiniń málimetterin 70 paiyzǵa deiin óndeýge múmkindik beredi. Qazaqstan jasandy intelektini damytýdyń jolyn belgilep aldy», - dedi Qazaqstan Prezidenti úndeýinde.
Forýmnyń kún tártibinde óńirlik jáne jáne jahandyq deńgeidegi tsifrlandyrý salasy, tsifrlyq transformatsiianyń jańa strategiialary men jańa tehnologiialar salasyndaǵy trendterdi qalyptastyrý, sondai-aq halyqaralyq yntymaqtastyqtyń aldaǵy qadamdary men perspektivalaryn talqylaidy.
Qazaqstandyq IT-jobalardy qoldaý jáne jańa naryqqa shyǵý múmkindigi, óńirlik áriptestermen iskerlik qatynastardy ilgeriletý jáne tsifrlandyrý jobalaryn tanymal etý – forýmnyń negizgi taqyryby.
Osy forýmda COVID-19 pandemiiasyna bailanysty týyndaǵan jahandyq máseleler de nazardan tys qalmaidy.
Forým barysynda tsifrlyq jobalardyń onlain kórmesi uiymdastyryldy.
Sonymen qatar, EAEO Premer-Ministrleri men jetekshi halyqaralyq sarapshylardyń qatysýymen plenarlyq sessiia bolady.
Forým offlain jáne onlain formatta ótýde.
Aita keteiik, «Digital Almaty» forýmy osymen tórtinshi jyl qatarynan uiymdastyrylyp otyr.
