Prezidenti Qasym-Jomart Toqaev birqatar memlekettiń elshilerinen senim gramotalaryn qabyldady, dep habarlaidy Aqorda.
Aqorda rezidentsiiasynda birqatar memlekettiń jańadan taǵaiyndalǵan tótenshe jáne ókiletti elshileriniń Qazaqstan Prezidentine senim gramotalaryn tapsyrý rásimi ótti.
Senim gramotalaryn Frantsiia Respýblikasynyń elshisi Dide Kaness, Ýkrainanyń elshisi Petr Vrýblevskii, BUU-nyń Qazaqstan Respýblikasyndaǵy turaqty úilestirýshisi Mikaella Friberg-Stori, Soltústik Makedoniia Respýblikasynyń elshisi Sali Limani, Pákistan Islam Respýblikasynyń elshisi Sadjad Ahmed Sihar tabystady.
Qasym-Jomart Toqaev barlyq elshilerdi Qazaqstandaǵy diplomatiialyq missiialarynyń resmi túrde bastalýymen quttyqtap, olarǵa ekijaqty qatynastardy odan ári nyǵaitýda sáttilik tiledi.
Memleket basshysy sheteldik elshilerdiń aldynda sóilegen sózinde búgingi saltanatty rásim búkil álem qaýymdastyǵy úshin buryn-sońdy bolmaǵan qiyndyqtar kezinde ótip jatqanyn atap ótti. Onyń aitýynsha, yntymaqtastyq pen tiimdi halyqaralyq yqpaldastyq bizdiń halyqtarymyzdy kez-kelgen qaýip-qaterge qarsy tura alatyndai qaýqarly etýdiń kilti. Prezidenttiń pikirinshe, bizdiń elimiz atalǵan memlekettermen jáne BUU júiesimen seriktestikti Qazaqstannyń syrtqy saiasatynyń ajyramas bóligi retinde qarastyrady.
Qasym-Jomart Toqaev Qazaqstannyń Eýropalyq Odaqtaǵy basty seriktesi jáne elimizdiń besinshi investory Frantsiiamen strategiialyq qatynastardy damytýǵa erekshe mán beretinin aitty. Taý-ken, munai-gaz, kólik tehnikasy, qurylys materialdary óndirisi, himiia jáne tamaq ónerkásibi siiaqty salalar boiynsha yntymaqtastyq tabysty damyp keledi. Sonymen qatar aýyl sharýashylyǵy, jańartylǵan energiia jáne tsifrlyq tehnologiialar, mádeniet, bilim, týrizm salalaryndaǵy ózara tiimdi yntymaqtastyqtyń zor áleýetin paidalanýǵa bolady.
«Qazaqstan tarapy frantsýz kásipkerlerine elimizdegi paidaly jobalarǵa investitsiia salý úshin jekelegen tásilder usynýǵa daiyn», – dedi Qasym-Jomart Toqaev.
Petr Vrýblevskiidi qabyldaǵan Prezident eki el arasyndaǵy dástúrli dostyq bailanystardy odan ári nyǵaitý jáne Ýkrainamen kópjaqty yntymaqtastyqty arttyrý Qazaqstan úshin óte mańyzdy ekenin aitty.
«Bizdiń ekijaqty qatynastarymyz tereń tarihi bailanystarǵa negizdelgen. Al Qazaqstandaǵy ýkrain diasporasy bizdiń halyqtarymyzdyń arasyn «altyn kópir» retinde bailanystyrady. Búginde bizdiń kásiporyndar ártúrli salada yntymaqtasa jumys isteýde. Eki elde de júrgizilip jatqan mańyzdy transformatsiialyq reformalar saiasi, saýda-investitsiialyq, mádeni jáne halyqtar arasyndaǵy bailanystardyń odan ári nyǵaia túsýine septigin tigizedi dep senemin», – dedi Memleket basshysy.
Mikaella Friberg-Storimen áńgimelesý barysynda Qasym-Jomart Toqaev Qazaqstannyń BUU Jarǵysyna negizdelgen inkliýzivti kópjaqty saiasatqa berik bolyp qala beretinin jetkizdi.
«BUU júiesimen jáne onyń sheńberindegi seriktestigimiz aitarlyqtai nátijeli boldy. Sońǵy otyz jylda Qazaqstan BUU-nyń barlyq negizgi organdaryna, onyń ishinde Qaýipsizdik Keńesine qatysyp, birqatar basym mindetterdi oryndady. Ortalyq Aziia men Aýǵanstandaǵy turaqty damýdyń 2030 jylǵa deiingi kún tártibin tiimdi úilestirý úshin biz Almatyda BUU-nyń aimaqtyq ortalyǵyn qurýǵa niettimiz», – dedi Qazaqstan Prezidenti.
Memleket basshysy Soltústik Makedoniia Respýblikasyn Shyǵys Eýropa men Balkandaǵy Qazaqstannyń mańyzdy seriktesi retinde qarastyratynyn atap ótti.
«Bizdiń elimizde ártúrli etnikalyq jáne dini toptar ómir súredi. Bul bizdiń memleketterimizdiń arasyndaǵy ortaq uqsastyq. Osyndai erekshelikter elderimizdi nyǵaitady. Sizdiń elińizben saiasi jáne saýda-ekonomikalyq yntymaqtastyqty keńeitýge bas mán beremiz», – dedi Qasym-Jomart Toqaev.
Sadjad Ahmed Sihardy qabyldaǵan Memleket basshysy Pakistannyń Aziiadaǵy negizgi seriktesterimizdiń biri ekenin aitty. Eki el arasynda saiasi jáne ekonomikalyq turǵydan mazmundy dialogqa baǵyttalǵan berik seriktestik ornaǵan.
«COVID-19 indetiniń keri áserine qaramastan, ekijaqty saýda-sattyq artyp keledi. Degenmen, elderimiz arasyndaǵy kólik qatynasynyń nasharlyǵynan biz óz múmkindigimizdi tolyq paidalana almai otyrmyz. Osyǵan bailanysty Saýda-ekonomikalyq, ǵylymi-tehnikalyq jáne mádeni yntymaqtastyq jónindegi úkimetaralyq komissiia seriktestiktiń kókjiegin keńeitedi dep úmittenemiz. BUU, Islam yntymaqtastyǵy uiymy jáne Shanhai yntymaqtastyq uiymy aiasyndaǵy oń yqpaldastyq ortaq múddelerimizge qyzmet etedi», – dedi Prezident.
Kezdesý sańynda Qasym-Jomart Toqaev elshilerdi kele jatqan Jańa jylmen quttyqtap, olardyń memleket basshylaryna júrekjardy sálemin joldady.
