پرەزيدەنتٸ قاسىم-جومارت توقاەۆ بٸرقاتار مەملەكەتتٸڭ ەلشٸلەرٸنەن سەنٸم گراموتالارىن قابىلدادى, دەپ حابارلايدى اقوردا.
اقوردا رەزيدەنتسيياسىندا بٸرقاتار مەملەكەتتٸڭ جاڭادان تاعايىندالعان تٶتەنشە جەنە ٶكٸلەتتٸ ەلشٸلەرٸنٸڭ قازاقستان پرەزيدەنتٸنە سەنٸم گراموتالارىن تاپسىرۋ رەسٸمٸ ٶتتٸ.
سەنٸم گراموتالارىن فرانتسييا رەسپۋبليكاسىنىڭ ەلشٸسٸ ديدە كانەسس, ۋكراينانىڭ ەلشٸسٸ پەتر ۆرۋبلەۆسكيي, بۇۇ-نىڭ قازاقستان رەسپۋبليكاسىنداعى تۇراقتى ٷيلەستٸرۋشٸسٸ ميكاەللا فريبەرگ-ستوري, سولتٷستٸك ماكەدونييا رەسپۋبليكاسىنىڭ ەلشٸسٸ سالي ليماني, پەكٸستان يسلام رەسپۋبليكاسىنىڭ ەلشٸسٸ سادجاد احمەد سيحار تابىستادى.
قاسىم-جومارت توقاەۆ بارلىق ەلشٸلەردٸ قازاقستانداعى ديپلوماتييالىق ميسسييالارىنىڭ رەسمي تٷردە باستالۋىمەن قۇتتىقتاپ, ولارعا ەكٸجاقتى قاتىناستاردى ودان ەرٸ نىعايتۋدا سەتتٸلٸك تٸلەدٸ.
مەملەكەت باسشىسى شەتەلدٸك ەلشٸلەردٸڭ الدىندا سٶيلەگەن سٶزٸندە بٷگٸنگٸ سالتاناتتى رەسٸم بٷكٸل ەلەم قاۋىمداستىعى ٷشٸن بۇرىن-سوڭدى بولماعان قيىندىقتار كەزٸندە ٶتٸپ جاتقانىن اتاپ ٶتتٸ. ونىڭ ايتۋىنشا, ىنتىماقتاستىق پەن تيٸمدٸ حالىقارالىق ىقپالداستىق بٸزدٸڭ حالىقتارىمىزدى كەز-كەلگەن قاۋٸپ-قاتەرگە قارسى تۇرا الاتىنداي قاۋقارلى ەتۋدٸڭ كٸلتٸ. پرەزيدەنتتٸڭ پٸكٸرٸنشە, بٸزدٸڭ ەلٸمٸز اتالعان مەملەكەتتەرمەن جەنە بۇۇ جٷيەسٸمەن سەرٸكتەستٸكتٸ قازاقستاننىڭ سىرتقى ساياساتىنىڭ اجىراماس بٶلٸگٸ رەتٸندە قاراستىرادى.
قاسىم-جومارت توقاەۆ قازاقستاننىڭ ەۋروپالىق وداقتاعى باستى سەرٸكتەسٸ جەنە ەلٸمٸزدٸڭ بەسٸنشٸ ينۆەستورى فرانتسييامەن ستراتەگييالىق قاتىناستاردى دامىتۋعا ەرەكشە مەن بەرەتٸنٸن ايتتى. تاۋ-كەن, مۇناي-گاز, كٶلٸك تەحنيكاسى, قۇرىلىس ماتەريالدارى ٶندٸرٸسٸ, حيمييا جەنە تاماق ٶنەركەسٸبٸ سيياقتى سالالار بويىنشا ىنتىماقتاستىق تابىستى دامىپ كەلەدٸ. سونىمەن قاتار اۋىل شارۋاشىلىعى, جاڭارتىلعان ەنەرگييا جەنە تسيفرلىق تەحنولوگييالار, مەدەنيەت, بٸلٸم, تۋريزم سالالارىنداعى ٶزارا تيٸمدٸ ىنتىماقتاستىقتىڭ زور ەلەۋەتٸن پايدالانۋعا بولادى.
«قازاقستان تاراپى فرانتسۋز كەسٸپكەرلەرٸنە ەلٸمٸزدەگٸ پايدالى جوبالارعا ينۆەستيتسييا سالۋ ٷشٸن جەكەلەگەن تەسٸلدەر ۇسىنۋعا دايىن», – دەدٸ قاسىم-جومارت توقاەۆ.
پەتر ۆرۋبلەۆسكييدٸ قابىلداعان پرەزيدەنت ەكٸ ەل اراسىنداعى دەستٷرلٸ دوستىق بايلانىستاردى ودان ەرٸ نىعايتۋ جەنە ۋكراينامەن كٶپجاقتى ىنتىماقتاستىقتى ارتتىرۋ قازاقستان ٷشٸن ٶتە ماڭىزدى ەكەنٸن ايتتى.
«بٸزدٸڭ ەكٸجاقتى قاتىناستارىمىز تەرەڭ تاريحي بايلانىستارعا نەگٸزدەلگەن. ال قازاقستانداعى ۋكراين دياسپوراسى بٸزدٸڭ حالىقتارىمىزدىڭ اراسىن «التىن كٶپٸر» رەتٸندە بايلانىستىرادى. بٷگٸندە بٸزدٸڭ كەسٸپورىندار ەرتٷرلٸ سالادا ىنتىماقتاسا جۇمىس ٸستەۋدە. ەكٸ ەلدە دە جٷرگٸزٸلٸپ جاتقان ماڭىزدى ترانسفورماتسييالىق رەفورمالار ساياسي, ساۋدا-ينۆەستيتسييالىق, مەدەني جەنە حالىقتار اراسىنداعى بايلانىستاردىڭ ودان ەرٸ نىعايا تٷسۋٸنە سەپتٸگٸن تيگٸزەدٸ دەپ سەنەمٸن», – دەدٸ مەملەكەت باسشىسى.
ميكاەللا فريبەرگ-ستوريمەن ەڭگٸمەلەسۋ بارىسىندا قاسىم-جومارت توقاەۆ قازاقستاننىڭ بۇۇ جارعىسىنا نەگٸزدەلگەن ينكليۋزيۆتٸ كٶپجاقتى ساياساتقا بەرٸك بولىپ قالا بەرەتٸنٸن جەتكٸزدٸ.
«بۇۇ جٷيەسٸمەن جەنە ونىڭ شەڭبەرٸندەگٸ سەرٸكتەستٸگٸمٸز ايتارلىقتاي نەتيجەلٸ بولدى. سوڭعى وتىز جىلدا قازاقستان بۇۇ-نىڭ بارلىق نەگٸزگٸ ورگاندارىنا, ونىڭ ٸشٸندە قاۋٸپسٸزدٸك كەڭەسٸنە قاتىسىپ, بٸرقاتار باسىم مٸندەتتەردٸ ورىندادى. ورتالىق ازييا مەن اۋعانستانداعى تۇراقتى دامۋدىڭ 2030 جىلعا دەيٸنگٸ كٷن تەرتٸبٸن تيٸمدٸ ٷيلەستٸرۋ ٷشٸن بٸز الماتىدا بۇۇ-نىڭ ايماقتىق ورتالىعىن قۇرۋعا نيەتتٸمٸز», – دەدٸ قازاقستان پرەزيدەنتٸ.
مەملەكەت باسشىسى سولتٷستٸك ماكەدونييا رەسپۋبليكاسىن شىعىس ەۋروپا مەن بالكانداعى قازاقستاننىڭ ماڭىزدى سەرٸكتەسٸ رەتٸندە قاراستىراتىنىن اتاپ ٶتتٸ.
«بٸزدٸڭ ەلٸمٸزدە ەرتٷرلٸ ەتنيكالىق جەنە دٸني توپتار ٶمٸر سٷرەدٸ. بۇل بٸزدٸڭ مەملەكەتتەرٸمٸزدٸڭ اراسىنداعى ورتاق ۇقساستىق. وسىنداي ەرەكشەلٸكتەر ەلدەرٸمٸزدٸ نىعايتادى. سٸزدٸڭ ەلٸڭٸزبەن ساياسي جەنە ساۋدا-ەكونوميكالىق ىنتىماقتاستىقتى كەڭەيتۋگە باس مەن بەرەمٸز», – دەدٸ قاسىم-جومارت توقاەۆ.
سادجاد احمeد سيحاردى قابىلداعان مەملەكەت باسشىسى پاكٸستاننىڭ ازيياداعى نەگٸزگٸ سەرٸكتەستەرٸمٸزدٸڭ بٸرٸ ەكەنٸن ايتتى. ەكٸ ەل اراسىندا ساياسي جەنە ەكونوميكالىق تۇرعىدان مازمۇندى ديالوگقا باعىتتالعان بەرٸك سەرٸكتەستٸك ورناعان.
«COVID-19 ٸندەتٸنٸڭ كەرٸ ەسەرٸنە قاراماستان, ەكٸجاقتى ساۋدا-ساتتىق ارتىپ كەلەدٸ. دەگەنمەن, ەلدەرٸمٸز اراسىنداعى كٶلٸك قاتىناسىنىڭ ناشارلىعىنان بٸز ٶز مٷمكٸندٸگٸمٸزدٸ تولىق پايدالانا الماي وتىرمىز. وسىعان بايلانىستى ساۋدا-ەكونوميكالىق, عىلىمي-تەحنيكالىق جەنە مەدەني ىنتىماقتاستىق جٶنٸندەگٸ ٷكٸمەتارالىق كوميسسييا سەرٸكتەستٸكتٸڭ كٶكجيەگٸن كەڭەيتەدٸ دەپ ٷمٸتتەنەمٸز. بۇۇ, يسلام ىنتىماقتاستىعى ۇيىمى جەنە شانحاي ىنتىماقتاستىق ۇيىمى اياسىنداعى وڭ ىقپالداستىق ورتاق مٷددەلەرٸمٸزگە قىزمەت ەتەدٸ», – دەدٸ پرەزيدەنت.
كەزدەسۋ ساڭىندا قاسىم-جومارت توقاەۆ ەلشٸلەردٸ كەلە جاتقان جاڭا جىلمەن قۇتتىقتاپ, ولاردىڭ مەملەكەت باسشىلارىنا جٷرەكجاردى سەلەمٸن جولدادى.
