Memleket basshysy Bilim jáne ǵylym ministri Ashat Aimaǵambetovti qabyldady, dep habarlaidy Aqordanyń baspasóz qyzmeti.
Qasym-Jomart Toqaevqa Qazaqstan halqyna arnalǵan Joldaýda, sondai-aq, Ulttyq qoǵamdyq senim keńesinde jáne Úkimettiń keńeitilgen otyrysynda berilgen tapsyrmalardyń oryndalý barysy týraly esep berildi.
Ashat Aimaǵambetov Prezidentke ministrliktiń pedagogter mártebesin arttyrý jónindegi sharalardy belsendi iske asyryp jatqany, muǵalimderdiń eńbekaqysy 25 paiyzǵa artqany týraly baiandady. Biyl 200 jańa mektep salý josparlanyp otyr.
Memleket basshysyna pandemiia kezindegi oqý úderisiniń ahýaly jáne oqýshylardyń bilimin tolyqtyrý úshin qabyldanǵan sharalar, sondai-aq, balalarǵa qolaily orta qalyptastyrý jáne «Kitap oqityn mektep» jobasyn iske asyrý jóninde aqparat berildi.
Kezdesýde balalardyń quqyqtaryn qorǵaý, otandyq kolledjder men joǵary oqý oryndaryn damytý, joǵary bilim berý sapasyn arttyrý, akademiialyq erkindikti qamtamasyz etý jáne oqý oryndaryn odan ári ońtailandyrý máseleleri talqylandy.
Kezdesý qorytyndysy boiynsha Prezident Qazaqstannyń bilim jáne ǵylym salasyn odan ári jetildirý úshin ministrlikke birqatar mindet júktedi.
