Prezident Indýstriia jáne infraqurylymdyq damý ministri Beibit Atamqulovty qabyldady, dep habarlaidy Aqorda.
Qasym-Jomart Toqaevqa biylǵy jyldyń 10 aiynda júzege asyrylǵan memlekettik baǵdarlamalardyń qorytyndylary men ministrliktiń basym baǵyttary jaiynda esep berildi.
Memleket basshysyna 2020-2025 jyldarǵa arnalǵan indýstrialandyrý baǵdarlamasy boiynsha atqarylǵan jumystar egjei-tegjeili baiandaldy. Beibit Atamqulov pandemiiaǵa qaramastan jyl basynan beri ónerkásip salasy 3,2 paiyzǵa óskenin aitty. Sonymen qatar jyl sońyna deiin investitsiia kólemi 995 milliard teńgeni quraityn 200 joba iske asady.
Ministr jyl basynan beri «Nurly jol» baǵdarlamasynyń sheńberinde jalpy uzyndyǵy 2,6 myń shaqyrym avtomobil joly paidalanýǵa berilgenin atap ótti. Elaralyq júk tasymaly da ósken. Atap aitqanda, Qytai-Eýropa-Qytai baǵytyndaǵy tasymal 61,6 paiyzǵa artqan.
«Nurly jer» baǵdarlamasy boiynsha 14,1 million sharshy metr turǵyn úidi paidalanýǵa berý josparlanǵan. Ministrdiń aitýynsha, jyl sońyna deiin atalǵan kórsetkishti 15 million sharshy metrge jetkizý kózdelgen. Al 2025 jylǵa deiin barlyǵy 103 million sharshy metr baspana salynady.
Qasym-Jomart Toqaev Beibit Atamqulovqa jergilikti jerlerdegi joldardy jóndeý, arendalyq baspana qurylysyn arttyrý, sondai-aq, vedomstvonyń negizgi baǵyttary boiynsha birqatar tapsyrma berdi.
