پرەزيدەنت يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆتى قابىلدادى, دەپ حابارلايدى اقوردا.
قاسىم-جومارت توقاەۆقا بيىلعى جىلدىڭ 10 ايىندا جٷزەگە اسىرىلعان مەملەكەتتٸك باعدارلامالاردىڭ قورىتىندىلارى مەن مينيسترلٸكتٸڭ باسىم باعىتتارى جايىندا ەسەپ بەرٸلدٸ.
مەملەكەت باسشىسىنا 2020-2025 جىلدارعا ارنالعان يندۋستريالاندىرۋ باعدارلاماسى بويىنشا اتقارىلعان جۇمىستار ەگجەي-تەگجەيلٸ باياندالدى. بەيبٸت اتامقۇلوۆ پاندەميياعا قاراماستان جىل باسىنان بەرٸ ٶنەركەسٸپ سالاسى 3,2 پايىزعا ٶسكەنٸن ايتتى. سونىمەن قاتار جىل سوڭىنا دەيٸن ينۆەستيتسييا كٶلەمٸ 995 ميلليارد تەڭگەنٸ قۇرايتىن 200 جوبا ٸسكە اسادى.
مينيستر جىل باسىنان بەرٸ «نۇرلى جول» باعدارلاماسىنىڭ شەڭبەرٸندە جالپى ۇزىندىعى 2,6 مىڭ شاقىرىم اۆتوموبيل جولى پايدالانۋعا بەرٸلگەنٸن اتاپ ٶتتٸ. ەلارالىق جٷك تاسىمالى دا ٶسكەن. اتاپ ايتقاندا, قىتاي-ەۋروپا-قىتاي باعىتىنداعى تاسىمال 61,6 پايىزعا ارتقان.
«نۇرلى جەر» باعدارلاماسى بويىنشا 14,1 ميلليون شارشى مەتر تۇرعىن ٷيدٸ پايدالانۋعا بەرۋ جوسپارلانعان. مينيستردٸڭ ايتۋىنشا, جىل سوڭىنا دەيٸن اتالعان كٶرسەتكٸشتٸ 15 ميلليون شارشى مەترگە جەتكٸزۋ كٶزدەلگەن. ال 2025 جىلعا دەيٸن بارلىعى 103 ميلليون شارشى مەتر باسپانا سالىنادى.
قاسىم-جومارت توقاەۆ بەيبٸت اتامقۇلوۆقا جەرگٸلٸكتٸ جەرلەردەگٸ جولداردى جٶندەۋ, ارەندالىق باسپانا قۇرىلىسىن ارتتىرۋ, سونداي-اق, ۆەدومستۆونىڭ نەگٸزگٸ باعىتتارى بويىنشا بٸرقاتار تاپسىرما بەردٸ.
