Úkimetke iri qalalarǵa qonystanyp jatqandarǵa kópqabatty úilerdi turǵyzýdy negizge alý kerek. Qazaqstan halqyna Joldaýynda Memleket basshysy Nursultan Nazarbaev osylai aitty, dep habarlaidy QazAqparat tilshisi.
Prezident óz Joldaýynda halyqtyń kóbi endigi kezekte iri qalalarǵa tartylatynyn atap ótti. Elbasynyń aitýynsha, álemdik JIÓ-niń 70 paiyzy iri megapolisterge tiesili.
«18 million halqy bar elimizde million halqy bar úsh qala paida boldy. Olardyń ekeýi bizdiń Táýelsizdik jyldarynda paida boldy. Bul úlken jetistik. Ýrbanizatsiianyń yntasyn eshkim toqtata almaidy. Mine, sondyqtan bul máseleni qalai retke keltirý kerektigin oilaý kerek. Maǵan qala ishindegi jerlerdi berip, sol jerge qurylys júrgizýdi usynady. Al qalalardyń ishinde bos jer joq. Bul bólek suraq. Kezinde biligi bar adamdar alyp-alyp alǵan da, óziniń de, ózgeniń de paidasyna jarata almai otyr», - dedi Prezident.
Memleket basshysy qala ishindegi paidalanylmaǵan jerlerdi qaitarý úshin prokýratýraǵa tapsyrma bergenin aitty.
«Keńes kezinen bizge monoqalalar qaldy. Bári de kishi qalalar. Qazir kishi qalalar men kentterge úlken aýqymdy qarajat jumsaý tiimsiz. Bizge ne isteý kerek? Astana men Almaty sekildi qalalar qazirdiń ózinde JIÓ-niń 30 paiyzyn berip otyr. Osy eki qalada bilim de, ǵylym da, úzdik mamandar da bar. Sondyqtan, Úkimetke iri qalalarǵa qonystanyp jatqandarǵa kópqabatty úilerdi turǵyzýdy negizge alý kerek. Olardy biz belgili bir sharttar boiynsha sol jerge qabyldaimyz. Bolmasa otbasylyq jataqhana salýǵa bolady. Aýyldan halyqtyń kóshýin qoldap otyrǵanym joq. Biraq, ol jerde eshkimdi ustap ta tura almaidy», - dedi Prezident.
.jpeg)