Qazaqstan Prezidenti aýyl sharýashylyǵy qyzmetkerlerin astyq jinaý naýqanynyń tabysty aiaqtalýymen quttyqtady, dep habarlaidy Aqorda.
***
Memleket basshysy Qasym-Jomart Toqaevtyń astyq jinaý naýqanynyń tabysty aiaqtalýyna bailanysty quttyqtaýy
Qurmetti aýyl eńbekkerleri!
Barshańyzdy astyq jinaý naýqanynyń tabysty aiaqtalýymen quttyqtaimyn!
Biylǵy egin egý naýqany koronavirýs pandemiiasy saldarynan elimizde jariialanǵan tótenshe jaǵdaiǵa bailanysty qiyn jaǵdaida júrgizildi. Negizgi astyq ósiretin oblystarda jaz maýsymy jaýyn-shashynsyz, qurǵaq boldy. Kúrdeli jaǵdaida jumys isteýge týra keldi.
Soǵan qaramastan, elimizdiń eginshileri uiymshyldyq tanytyp, aýyl sharýashylyǵy daqyldaryn egýdi ýaqytyly aiaqtady. Nátijesinde qambalarymyz astyqqa toldy.
Búginde el óńirlerinde 20 million tonna kóleminde astyq jinaldy. Bul elimizdiń ishki qajettiligin tolyq qamtamasyz etedi, sondai-aq, eksporttyq áleýetimizdi arttyryp, Qazaqstannyń astyq derjavasy mártebesin saqtap qalýyna múmkindik beredi. Egin jinaý naýqany bir aiǵa erte aiaqtalyp, qoimalarǵa eki ese kóp astyq jinaldy.
Biylǵy jinalǵan astyqtyń sapasy joǵary jáne barlyq talaptarǵa sai keledi.
Qurmetti diqandar, sizderdiń qajyrly eńbekterińizdiń, agrotehnologiiany qatań saqtaǵandaryńyzdyń jáne barlyq kúsh-jigerlerińizdi jumyldyra bilgenderińizdiń arqasynda osyndai nátijege qol jetkizildi.
Aýyl eńbekkerleriniń eńbeksúigishtigi men tabandylyǵy aýyldy qaita túletýge, sharýalardyń turmysyn jaqsartýǵa zor yqpal etti.
Agroónerkásip kesheniniń mindetterin tabysty sheshýdiń negizi sizderdiń joǵary biliktilikterińizge, tańdaǵan mamandyqtaryńyz ben dańqty dástúrge degen adaldyqtaryńyzda dep senimdi túrde aitýǵa bolady.
Qajyrly eńbegi men diqanshylyq mindetke degen adaldyǵy úshin barlyq aýyl eńbekkerlerine, ardagerlerge, óndiris ozattaryna rizashylyǵymdy bildiremin!
Elimizdi órkendetý jolynda jańa tabystarǵa jete berińizder!
Sizderge zor densaýlyq, baq-bereke tileimin!
