قازاقستان پرەزيدەنتٸ اۋىل شارۋاشىلىعى قىزمەتكەرلەرٸن استىق جيناۋ ناۋقانىنىڭ تابىستى اياقتالۋىمەن قۇتتىقتادى, دەپ حابارلايدى اقوردا.
***
مەملەكەت باسشىسى قاسىم-جومارت توقاەۆتىڭ استىق جيناۋ ناۋقانىنىڭ تابىستى اياقتالۋىنا بايلانىستى قۇتتىقتاۋى
قۇرمەتتٸ اۋىل ەڭبەككەرلەرٸ!
بارشاڭىزدى استىق جيناۋ ناۋقانىنىڭ تابىستى اياقتالۋىمەن قۇتتىقتايمىن!
بيىلعى ەگٸن ەگۋ ناۋقانى كوروناۆيرۋس پاندەميياسى سالدارىنان ەلٸمٸزدە جارييالانعان تٶتەنشە جاعدايعا بايلانىستى قيىن جاعدايدا جٷرگٸزٸلدٸ. نەگٸزگٸ استىق ٶسٸرەتٸن وبلىستاردا جاز ماۋسىمى جاۋىن-شاشىنسىز, قۇرعاق بولدى. كٷردەلٸ جاعدايدا جۇمىس ٸستەۋگە تۋرا كەلدٸ.
سوعان قاراماستان, ەلٸمٸزدٸڭ ەگٸنشٸلەرٸ ۇيىمشىلدىق تانىتىپ, اۋىل شارۋاشىلىعى داقىلدارىن ەگۋدٸ ۋاقىتىلى اياقتادى. نەتيجەسٸندە قامبالارىمىز استىققا تولدى.
بٷگٸندە ەل ٶڭٸرلەرٸندە 20 ميلليون توننا كٶلەمٸندە استىق جينالدى. بۇل ەلٸمٸزدٸڭ ٸشكٸ قاجەتتٸلٸگٸن تولىق قامتاماسىز ەتەدٸ, سونداي-اق, ەكسپورتتىق ەلەۋەتٸمٸزدٸ ارتتىرىپ, قازاقستاننىڭ استىق دەرجاۆاسى مەرتەبەسٸن ساقتاپ قالۋىنا مٷمكٸندٸك بەرەدٸ. ەگٸن جيناۋ ناۋقانى بٸر ايعا ەرتە اياقتالىپ, قويمالارعا ەكٸ ەسە كٶپ استىق جينالدى.
بيىلعى جينالعان استىقتىڭ ساپاسى جوعارى جەنە بارلىق تالاپتارعا ساي كەلەدٸ.
قۇرمەتتٸ ديقاندار, سٸزدەردٸڭ قاجىرلى ەڭبەكتەرٸڭٸزدٸڭ, اگروتەحنولوگييانى قاتاڭ ساقتاعاندارىڭىزدىڭ جەنە بارلىق كٷش-جٸگەرلەرٸڭٸزدٸ جۇمىلدىرا بٸلگەندەرٸڭٸزدٸڭ ارقاسىندا وسىنداي نەتيجەگە قول جەتكٸزٸلدٸ.
اۋىل ەڭبەككەرلەرٸنٸڭ ەڭبەكسٷيگٸشتٸگٸ مەن تاباندىلىعى اۋىلدى قايتا تٷلەتۋگە, شارۋالاردىڭ تۇرمىسىن جاقسارتۋعا زور ىقپال ەتتٸ.
اگروٶنەركەسٸپ كەشەنٸنٸڭ مٸندەتتەرٸن تابىستى شەشۋدٸڭ نەگٸزٸ سٸزدەردٸڭ جوعارى بٸلٸكتٸلٸكتەرٸڭٸزگە, تاڭداعان ماماندىقتارىڭىز بەن داڭقتى دەستٷرگە دەگەن ادالدىقتارىڭىزدا دەپ سەنٸمدٸ تٷردە ايتۋعا بولادى.
قاجىرلى ەڭبەگٸ مەن ديقانشىلىق مٸندەتكە دەگەن ادالدىعى ٷشٸن بارلىق اۋىل ەڭبەككەرلەرٸنە, ارداگەرلەرگە, ٶندٸرٸس وزاتتارىنا ريزاشىلىعىمدى بٸلدٸرەمٸن!
ەلٸمٸزدٸ ٶركەندەتۋ جولىندا جاڭا تابىستارعا جەتە بەرٸڭٸزدەر!
سٸزدەرگە زور دەنساۋلىق, باق-بەرەكە تٸلەيمٸن!
