Memleket basshysy Nursultan Nazarbaev kórnekti teatr jáne kino akteri, rejisser Asanáli Áshimovti 80 jyldyq mereitoiymen quttyqtady, - dep habarlaidy "Ult aqparat" Aqordanyń baspasóz qyzmetine silteme jasap.
Qazaqstan Prezidenti mereitoi iesiniń qurmetine Almatydaǵy Muhtar Áýezov atyndaǵy teatrda joǵary deńgeide merekelik sharalar ótkenin atap ótti.
"Sizdiń áriptesterińiz, dostaryńyz jáne basqa da ziialy qaýym ókilderi qyzmetińizge joǵary baǵa berdi. Biz 40 jyldan beri tanyspyz, osy ýaqyt boiy, ásirese elimizdiń táýelsizdik alǵandaǵy kúrdeli jyldarynda men árdaiym ózińizdiń qoldaýyńyzdy sezdim", - dedi Nursultan Nazarbaev.
"Temirtaýda bir kezdeskenimiz esimde bar. 70-jyldardyń bas jaǵynda. Men ol kezde zaýytta partorg bolyp jumys isteýshi edim. Odan qansha zaman ótti. Táýelsiz el boldyq. Tapyrylys sharýa ylǵi. Sondyqtan jalpy ózimizdiń býynǵa, qurdastaryma, qatarlastaryma, ziialy qaýym bolsyn, ǵalymdar bolsyn, barlyǵyna rizamyn. Qansha qiyndyqtan óttik. Túsinbeitin nárselerdi sheshtik. Burynǵy qalyptasqan pikirdi ózgertý kerek boldy. Degenmen kópshiligi, barlyǵy táýelsizdigimizdi, elimizdi qoldap kele jatyr. Barlyǵyna rizamyn. Sonyń ishinde birinshi qatarda siz bolyp sanalasyz", - dedi Prezident Áshimovke.
