Prezident «Ardagerler uiymy» respýblikalyq qoǵamdyq birlestiginiń tóraǵasy Baqtyqoja Izmuhambetovti qabyldady, dep habarlaidy "Ult aqparat" Aqordaǵa silteme jasap.
Qasym-Jomart Toqaevqa «Ardagerler uiymy» respýblikalyq qoǵamdyq birlestiginiń atqaryp jatqan jumysy men aldaǵy jospary týraly aityldy.
«Ardagerler uiymy» respýblikalyq qoǵamdyq birlestik janynan jalpyulttyq referendým ótkizýdi qoldaý jónindegi shtab qurylǵan. Baqtyqoja Izmuhambetovtyń aitýynsha, shtabtyń jumysy eki baǵytta júrgizilip jatyr. Birinshi, Konstitýtsiiaǵa engiziletin ózgeristerdiń mán-maǵynasyn túsindirý. Ekinshi baǵyt referendýmǵa belsendi túrde qatysý máselesin qamtidy.
Sonymen qatar erteń, 20 mamyr kúni ótetin «Ardagerler uiymy» respýblikalyq qoǵamdyq birlestiginiń kezekten tys seziniń kún tártibi týraly baiandaldy.
Kezdesýde «Ardagerler uiymyn» damytý týraly birneshe usynysqa Prezident qoldaý bildirip, tiisti memlekettik organdarǵa tapsyrma beretinin aitty.
