Qasym-Jomart Toqaev Memlekettik qyzmet isteri agenttiginiń tóraǵasy Anar Jaiylǵanovany qabyldady, dep habarlaidy Aqorda.
Prezidentke memlekettik qyzmetti odan ári damytýǵa baǵyttalǵan keshendi sharalardyń júzege asyrylýy jaiynda jan-jaqty esep berildi.
Memleket basshysyna memlekettik qyzmetshilerdiń sanyn qysqartýǵa, faktorly-balldyq shkala engizýge qatysty jumystardyń barysy týraly baiandaldy. Agenttik tóraǵasynyń aitýynsha, FBSh-ǵa kóshý jónindegi pilottyq jobaǵa jasalǵan taldaý memlekettik qyzmetke degen qyzyǵýshylyqty arttyryp, kadr turaqtylyǵyna oń dinamika bergen. Atap aitqanda, FBSh engizilgeli beri bir bos orynǵa úmitkerler sany ortasha eseppen 2,6 esege ósken. Memleket basshysy faktorly-balldyq shkala engizýge fýnktsionaldyq taldaý jumystaryn jalǵastyrý qajet ekenin aitty.
Sonymen qatar Qasym-Jomart Toqaevqa memlekettik qyzmet kórsetýdiń sapasyn baqylaý, memlekettik qyzmetshilerdiń úzdiksiz bilim alý júiesi men kelisim-shart boiynsha qyzmetke alý institýtyn engizý jumystary týraly aqparat berildi.
Kezdesý barysynda kadrlyq protsesterdi tsifrlandyrý máselesine erekshe nazar aýdaryldy. Osy rette Anar Jaiylǵanova tsifrlyq sheshimderdi júzege asyrý qaǵaz qujat ainalymynan tolyq arylýǵa, kúndelikti ónbeitin jumystardy 53 paiyzǵa azaitýǵa, qujattar sanyn 83 paiyzǵa tómendetýge múmkindik beretinin aitty. Prezident memlekettik qyzmet júiesin tsifrlandyrýdy odan ári jalǵastyra berýdiń mańyzdylyǵyna toqtaldy.
Kezdesý sońynda Memleket basshysy Agenttik tóraǵasyna birqatar naqty tapsyrma berdi.
