قاسىم-جومارت توقاەۆ مەملەكەتتٸك قىزمەت ٸستەرٸ اگەنتتٸگٸنٸڭ تٶراعاسى انار جايىلعانوۆانى قابىلدادى, دەپ حابارلايدى اقوردا.
پرەزيدەنتكە مەملەكەتتٸك قىزمەتتٸ ودان ەرٸ دامىتۋعا باعىتتالعان كەشەندٸ شارالاردىڭ جٷزەگە اسىرىلۋى جايىندا جان-جاقتى ەسەپ بەرٸلدٸ.
مەملەكەت باسشىسىنا مەملەكەتتٸك قىزمەتشٸلەردٸڭ سانىن قىسقارتۋعا, فاكتورلى-باللدىق شكالا ەنگٸزۋگە قاتىستى جۇمىستاردىڭ بارىسى تۋرالى باياندالدى. اگەنتتٸك تٶراعاسىنىڭ ايتۋىنشا, فبش-عا كٶشۋ جٶنٸندەگٸ پيلوتتىق جوباعا جاسالعان تالداۋ مەملەكەتتٸك قىزمەتكە دەگەن قىزىعۋشىلىقتى ارتتىرىپ, كادر تۇراقتىلىعىنا وڭ ديناميكا بەرگەن. اتاپ ايتقاندا, فبش ەنگٸزٸلگەلٸ بەرٸ بٸر بوس ورىنعا ٷمٸتكەرلەر سانى ورتاشا ەسەپپەن 2,6 ەسەگە ٶسكەن. مەملەكەت باسشىسى فاكتورلى-باللدىق شكالا ەنگٸزۋگە فۋنكتسيونالدىق تالداۋ جۇمىستارىن جالعاستىرۋ قاجەت ەكەنٸن ايتتى.
سونىمەن قاتار قاسىم-جومارت توقاەۆقا مەملەكەتتٸك قىزمەت كٶرسەتۋدٸڭ ساپاسىن باقىلاۋ, مەملەكەتتٸك قىزمەتشٸلەردٸڭ ٷزدٸكسٸز بٸلٸم الۋ جٷيەسٸ مەن كەلٸسٸم-شارت بويىنشا قىزمەتكە الۋ ينستيتۋتىن ەنگٸزۋ جۇمىستارى تۋرالى اقپارات بەرٸلدٸ.
كەزدەسۋ بارىسىندا كادرلىق پروتسەستەردٸ تسيفرلاندىرۋ مەسەلەسٸنە ەرەكشە نازار اۋدارىلدى. وسى رەتتە انار جايىلعانوۆا تسيفرلىق شەشٸمدەردٸ جٷزەگە اسىرۋ قاعاز قۇجات اينالىمىنان تولىق ارىلۋعا, كٷندەلٸكتٸ ٶنبەيتٸن جۇمىستاردى 53 پايىزعا ازايتۋعا, قۇجاتتار سانىن 83 پايىزعا تٶمەندەتۋگە مٷمكٸندٸك بەرەتٸنٸن ايتتى. پرەزيدەنت مەملەكەتتٸك قىزمەت جٷيەسٸن تسيفرلاندىرۋدى ودان ەرٸ جالعاستىرا بەرۋدٸڭ ماڭىزدىلىعىنا توقتالدى.
كەزدەسۋ سوڭىندا مەملەكەت باسشىسى اگەنتتٸك تٶراعاسىنا بٸرقاتار ناقتى تاپسىرما بەردٸ.
