Foto: Aqorda
Memleket basshysy Qasym-Jomart Toqaev Almaty qalasynyń ákimi Darhan Satybaldyny qabyldady. Kezdesý barysynda qala basshysy shahardyń áleýmettik-ekonomikalyq damýy men aldaǵy josparlar jóninde baiandama jasady, dep habarlaidy Ult.kz.
Darhan Satybaldynyń aitýynsha, 2024 jyldyń alǵashqy jartyjyldyǵynda Almatyda qysqamerzimdi ekonomikalyq indikator 11 paiyzǵa ósken. Sonymen qatar, negizgi kapitalǵa salynǵan investitsiia kólemi 25,4 paiyzǵa artqan.
Ákim qalanyń politsentristik damý úlgisi boiynsha damyp jatqanyn atap ótti. Bul tásil qalanyń ortalyq bóligine túsetin júktemeni azaitýǵa, infraqurylymdy teńgerimdi bólýge jáne jaily qalalyq orta qalyptastyrýǵa baǵyttalǵan. Sonymen qatar, aýdandar arasyndaǵy tiimdi bailanysty qamtamasyz etý jáne qoǵamdyq kólik júiesin jetildirý – kún tártibindegi mańyzdy máselelerdiń biri.
Prezident Qasym-Jomart Toqaev qala qurylysyn josparlaýǵa qatysty naqty tapsyrmalar berdi:
Almatynyń joǵarǵy bóliginde kópqabatty turǵyn úiler salýǵa jáne aýmaqty taryltatyn tyǵyz qurylys júrgizýge moratorii engizýdi tapsyrdy. Bul shekteý Bas josparǵa engizilgen áleýmettik jáne týristik jobalarǵa qatysty emes.
Bas josparǵa tabiǵi ortany qorǵaý, taý bókterindegi qurylysqa jol bermeý jáne qalany júieli damytýǵa arnalǵan ózgeristerdi der kezinde engizý qajettigin atap ótti.
Memleket basshysy Almatyny odan ári órkendetýde qala ákimdigi men Úkimet tarapynan úilesimdi jáne josparly jumys qajet ekenin basa aitty.
