Búgin Prezident Qasym-Jomart Toqaev Almatydaǵy Oqýshylar saraiyna bardy. Almaty qalasy ákiminiń orynbasary Ásem Núsipova Prezidentke Oqýshylar saraiyn tanystyryp, atqarylyp jatqan jumystary týraly baiandady, - dep habarlaidy «Ult aqparat».
Qala basshysynyń orynbasarynyń aitynsha, búgingi tańda Almaty qalalyq Oqýshylar saraiynda 11 baǵyt boiynsha 175 úiirme jumys isteidi. Oqýshylar qaita jańartylǵan soń, ortalyq jańa innovatsiialyq ǵylymi-tehnikalyq baǵyttardy iske qosý arqyly óz qyzmetin keńeitken.
«Bizdiń sarai jańartylǵan soń, jańa baǵyttar qostyq. Atap aitatyn bolsam, Raketa jasaý ortalyǵy men Aerotsentr, planetany zertteý, VR jáne dronmen basqarý zerthanasy, fizika, himiia, biologiia jáne gidroponika, robototehnika, IT baǵdarlamalaý boiynsha ǵylymi zerthanalar siiaqty salalarda 25 jańa úiirme ashyldy. Biz túrli úiirmeler men sektsiialarǵa 10 myńǵa jýyq balany qabyldai alamyz», - dedi Almaty qalasy ákiminiń orynbasary Ásem Núsipova.
Onyń aitýynsha, Oqýshylar saraiyn jóndep, jańǵyrtý jumystary jalǵasa beretin bolady. Iaǵni biyl úlken kontsert zaly, qysqy baq pen mýzyka bólimi qaita jóndeýden ótetin bolady. Sondai-aq ol Memleket basshysyna qaladaǵy qosymsha bilim berýdiń basqa da baǵyttarynyń damýy týraly qysqasha habardar etken.
Qala basshylyǵynyń málimdeýinshe, qazirgi tańda jergilikti biýdjet esebinen Alataý, Naýryzbai aýdanynda eki zamanaýi innovatsiialyq shyǵarmashylyq ortalyq salynyp jatyr. Al mekteptegi sport alańdaryn qaita jańǵyrtý úshin 1 mlrd teńge bólinipti.
«Sonymen qatar, qosymsha bilim berýge memlekettik bilim berý, shyǵarmashylyq jáne sporttyq tapsyrystar ornalastyryldy (osy jyly josparlanǵan balalardy qamtý 150 000, bul mektep oqýshylarynyń jalpy sanynyń 50%). Qabyldanǵan sharalardyń arqasynda biz 2024 jylǵa qarai balalardy tegin qosymsha bilimmen qamtýdy 85% jetkizýdi josparlap otyrmyz», - dedi qala ákiminiń orynbasary.
Sonymen qatar, Memleket basshysy Qasym-Jomart Toqaev Oqýshylar saraiynda biologiia jáne neirotehnologiia, gidroponika, 3D modeldeý jáne robototehnika zerthanalaryn, sondai-aq, animatsiia, dybys jazý jáne bilim berý media jobalaryna arnalǵan stýdiialardy aralaǵan. Sosyn biotehnologiia úiirmesin júrgizetin Máskeý fizika-tehnikalyq institýtynyń túlegi Timýr Berǵalievpen, jastar robototehnika qozǵalysynyń jetekshisi Vladimir Raispen, jyl muǵalimi – Daryn Saiynovpen sóilesip, olardyń jumystarymen tanysty.
«Men erikti jattyqtyrýshy retinde qyzmet atqaramyn. Meniń 3D prototipteý zerthanamnyń sabaǵy Memleket basshysyna úlken áser qaldyrdy dep oilaimyn. Sabaqtarda balalar 3D basyp shyǵarý úshin ońtailandyrylǵan úlgilerdi jasaý protsesterin úirenedi. Nátijesinde balalardyń aýqymdy oilaýy men jobalaý daǵdylary damidy. Munda balalar Arduino – álemdik standartty platforma negizindegi robototehnikany da oqidy. Ol balalardyń elektronika negizderimen tanysýyn jáne DIY qaýymdastyǵyna qatysýyn jeńildetý úshin arnaiy jasalǵan. Men ózimniń súiikti isim arqyly Memlekmet basshysymen kezdesip, oǵan óz jumystarymdy tanystyra alǵanym úshin ót qýanyshtymyn», – dedi jastar robototehnika qozǵalysynyń jetekshisi Vladimir Rais.
Esterińizge sala keteiik, búgin Prezident Qasym-Jomart Toqaev Almatydaǵy Oqýshylar saraiyna bardy. Almaty qalasy ákiminiń orynbasary Ásem Núsipova Prezidentke Oqýshylar saraiyn tanystyryp, atqarylyp jatqan jumystary týraly baiandady. Qala basshysynyń orynbasarynyń aitynsha, búgingi tańda Almaty qalalyq Oqýshylar saraiynda 11 baǵyt boiynsha 175 úiirme jumys isteidi. Oqýshylar qaita jańartylǵan soń, ortalyq jańa innovatsiialyq ǵylymi-tehnikalyq baǵyttardy iske qosý arqyly óz qyzmetin keńeitken.
