Prezident Qasym-Jomart Toqaev Almaty qalasy Tóle bi kóshesindegi aǵashtardyń otalǵanyna qatysty jaǵdaiǵa nazar aýdardy, dep habarlaidy "Ult aqparat".
Bul týraly QR Prezidentiniń baspasóz hatshysy Berik Ýáli Facebook-tegi paraqshasynda jazdy.
«Prezident Qasym-Jomart Toqaev Almaty qalasy Tóle bi kóshesindegi aǵashtardyń otalǵanyna qatysty jaǵdaiǵa nazar aýdardy. Almaty qalasynyń ákimi Baqytjan Saǵyntaevqa atalǵan jaǵdaiǵa bailanysty qyzmettik terkserý júrgizip, kinálilerdi jaýapkershilikke tartýdy tapsyrdy.
Memleket basshysy 2019 jyly 29 qazanda Almatyda qala problemalaryna arnalǵan keńeste sóilegen sózinde megapolistiń ekojúiesine uqypty qaraýdyń, shahar turǵyndarynyń jaily ómir súrýin qamtamasyz etý úshin tiisti jaǵdailar jasaýdyń erekshe mańyzdy ekenin málim etken bolatyn», delingen habarlamada.
Eske sala ketsek, 23 qarashada túnde Almatyda saýda úiiniń janyndaǵy jaiqalǵan emen men qaraǵash otaldy. Bul týraly turǵyndar áleýmettik jelide narazylyq bildirdi.
«Qazir aýdan ákimdigi men Politsiia Departamenti kesilgen aǵashtardyń tuqymy men sapasyn anyqtaý úshin oqiǵa ornynda jumys istep jatyr. Aiypty tulǵalar anyqtalǵan soń Politsiia Departamenti olardy jaýapkershilikke tartady. Tolyǵyraq aqparatty anyqtaý jumystary aiaqtalǵan soń jariialaimyz», - dep málim etti qala ákimdigi.
