Foto: Aqordanyń baspasóz qyzmeti
Memleket basshysy Almaty qalasyna jumys sapary barysynda qaita qalpyna keltirilgen qala ákimdiginiń ǵimaratyn aralap kórdi, dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaevqa rekonstrýktsiia kezinde ákimdik ǵimaratynyń energetikalyq tiimdiligin edáýir arttyrýǵa yqpal etken zamanaýi materialdar men tehnologiialar qoldanylǵany týraly baiandaldy. Ǵimarattyń tarihi mánin eskere otyryp, onyń arhitektýralyq kelbetin saqtaý týraly sheshim qabyldandy. Mármárli qasbetter, jezben jáne tabiǵi tastarmen bezendirilgen ishki sándik elementter burynǵy qalpyna keltirildi.
Rekonstrýktsiia jumystary tolyǵymen aiaqtalǵan úsh pavilonǵa byltyr qazan aiynan bastap qala ákimdiginiń apparaty men 14 basqarmasy ornalasty.
Sonymen qatar Prezidentke órtten qatty zardap shekken №4 pavilonda jóndeý jumystary jalǵasyp jatqany týraly málimet berildi. Kúmbezdi ustap turatyn qondyrǵylar men temir konstrýktsiia joǵary temperatýranyń áserinen túgeldei zaqymdanǵan. Sondyqtan kúmbezdi tolyqtai qaita jóndeýge týra keldi. Qazir burynǵysyna qaraǵanda áldeqaida jeńil, jańa konstrýktsiia ornatylǵan. Qurylys jumystaryn aqpan aiynyń sońyna deiin aiaqtaý josparlanyp otyr.
