فوتو: اقوردانىڭ باسپاسٶز قىزمەتٸ
مەملەكەت باسشىسى الماتى قالاسىنا جۇمىس ساپارى بارىسىندا قايتا قالپىنا كەلتٸرٸلگەن قالا ەكٸمدٸگٸنٸڭ عيماراتىن ارالاپ كٶردٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
قاسىم-جومارت توقاەۆقا رەكونسترۋكتسييا كەزٸندە ەكٸمدٸك عيماراتىنىڭ ەنەرگەتيكالىق تيٸمدٸلٸگٸن ەدەۋٸر ارتتىرۋعا ىقپال ەتكەن زاماناۋي ماتەريالدار مەن تەحنولوگييالار قولدانىلعانى تۋرالى باياندالدى. عيماراتتىڭ تاريحي مەنٸن ەسكەرە وتىرىپ, ونىڭ ارحيتەكتۋرالىق كەلبەتٸن ساقتاۋ تۋرالى شەشٸم قابىلداندى. مەرمەرلٸ قاسبەتتەر, جەزبەن جەنە تابيعي تاستارمەن بەزەندٸرٸلگەن ٸشكٸ سەندٸك ەلەمەنتتەر بۇرىنعى قالپىنا كەلتٸرٸلدٸ.
رەكونسترۋكتسييا جۇمىستارى تولىعىمەن اياقتالعان ٷش پاۆيلونعا بىلتىر قازان ايىنان باستاپ قالا ەكٸمدٸگٸنٸڭ اپپاراتى مەن 14 باسقارماسى ورنالاستى.
سونىمەن قاتار پرەزيدەنتكە ٶرتتەن قاتتى زارداپ شەككەن №4 پاۆيلوندا جٶندەۋ جۇمىستارى جالعاسىپ جاتقانى تۋرالى مەلٸمەت بەرٸلدٸ. كٷمبەزدٸ ۇستاپ تۇراتىن قوندىرعىلار مەن تەمٸر كونسترۋكتسييا جوعارى تەمپەراتۋرانىڭ ەسەرٸنەن تٷگەلدەي زاقىمدانعان. سوندىقتان كٷمبەزدٸ تولىقتاي قايتا جٶندەۋگە تۋرا كەلدٸ. قازٸر بۇرىنعىسىنا قاراعاندا ەلدەقايدا جەڭٸل, جاڭا كونسترۋكتسييا ورناتىلعان. قۇرىلىس جۇمىستارىن اقپان ايىنىڭ سوڭىنا دەيٸن اياقتاۋ جوسپارلانىپ وتىر.
