QR Prezidenti Nursultan Nazarbaevtyń aitýynsha, tsifrlyq tehnologiialardy damytý aiasynda ǵylymǵa negizgi basymdyq beriledi. Osy oraida Qazaqstannyń eki ǵylymi ortalyǵyna úlken senim artylyp otyr, dep habarlaidy Ult.kz tilshisi QazAqparat agenttigine silteme jasap.
«Tsifrlyq Qazaqstanda» ǵylymǵa úlken basymdyq berilip otyr. Osy oraida negizgi eki ortalyqty atap ótken jón. Ol - Nazarbaev Ýniversiteti men «Alataý» tehnoparki. Men Nazarbaev Ýniversitetiniń zerthanalaryn aralaǵanda biraz zertteýlerdi kórdim, nátijesi de joq emes. Al «Alataý» innovatsiialyq tehnologiialar parki ne istep jatyr? Shynymdy aitsam, oǵan qolym jetpei júr. Ony qurǵanymyzǵa biraz ýaqyt boldy. Qyrýar aqshany da jumsadyq. Alaida nátijesi kórinbeidi. Ózderi ne istep jatyr? Úkimette otyrǵandar biletin shyǵar», - dedi Nursultan Nazarbaev Indýstrializatsiia kúnine arnalǵan jalpyhalyqtyq kópir kezinde.
Osydan keiin Prezident Úkimet pen Almaty ákimine «Alataý» innovatsiialyq tehnologiialar parkin jan-jaqty tekserýdi tapsyrdy. «Bizge naqty bir sheshimge kelý kerek. Ony jabamyz ba, joq álde, ary qarai damytamyz ba? Sony sheship alý kerek», - dep atap kórsetti Memleket basshysy.
Aita keteiik, Prezidenti Nursultan Nazarbaev sheteldegi qarjyny qaitarýǵa qatysty arnaiy zańnamany da ázirleýdi tapsyrdy. Atalǵan mindet Úkimet basshysy Baqytjan Saǵyntaevqa júkteldi. Prezidenttiń aitýynsha, búginde 25-30 jastaǵy mamandarǵa jol berý kerek.
.jpeg)