Memleket basshysy Qasym-Jomart Toqaev belgili aqyn, Qazaqstannyń eńbek sińirgen qairatkeri Nesipbek Aitulyn 70 jasqa tolýymen quttyqtady. Prezidenttiń quttyqtaý hatyn mereitoi iesine Mədeniet jəne sport ministri Aqtoty Raiymqulova tabystady, dep habarlaidy "Ult aqparat".
«Siz poeziia əleminde ózindik orny bar, egemen elimizdiń jarqyn jetistikterin jyr joldarymen órnektegen, talǵamy biik oqyrmannyń joǵary baǵasyn alǵan aqyn, sara sózdiń sheberi retinde qurmetke bólenip otyrsyz. Qazirgidei syn saǵatta halqymyzdy sabyrly, yntymaqty bolýǵa shaqyryp, azamattyq ún qosqan paiymdy oi-pikirlerińiz jurtshylyqtyń kóńilinen shyǵýda.
Qazaq ədebietiniń damýyna qosqan eleýli úlesińiz úshin Sizge alǵysymdy bildirip, mereitoiyńyzben quttyqtaimyn! Ózińizge zor densaýlyq, shyǵarmashylyq tabys jəne əýletińizge qut-bereke tileimin», – delingen Memleket basshysynyń quttyqtaý hatynda.
Sonymen qatar Aqtoty Raiymqulova Nesipbek Aitulyn ministrlik atynan da quttyqtap, shyǵarmashylyq tabys tiledi.
«Siz - tól ədebietimiz ben mədenietimizdi baiytýǵa ólsheýsiz úles qosyp kele jatqan adýyndy aqyn, qajyrly qairatkersiz. Uzaq jyl asyl sózben qazaq rýhaniiatyna qaltqysyz qyzmet etip kele jatqan merzimdi basylymdarda laýazymdy qyzmet atqaryp, qalyń oqyrmannyń kókjiegin keńeitetin mazmundy materialdardyń jaryq kórýine súbeli úles qostyńyz. «Júrektegi jańǵyryqtar», «Áke týraly syr», «Jańbyr áni», «Túndelep ushqan tyrnalar», «Rýhymnyń padishasy», «Muqaǵali-Jeltoqsan» jəne taǵy basqa kórkem sózben kómkerilgen maǵynaly kitaptaryńyzben poeziiada tyń qubylys qalyptastyrdyńyz. Əlem jazýshylarynyń tańdaýly shyǵarmalaryn ana tilimizde sóiletip, talǵampaz oqyrmannyń ystyq yqylasyna bólenip kelesiz. Aldaǵy ýaqytta da eseli eńbegińiz berekeli bolyp, tolaiym shyǵarmashylyq jetistikterge qol jetkize berýińizge tilektespin», – dedi ministr.
Óz kezeginde Nesipbek Aituly Memleket basshysyna alǵysyn aityp, syndarly kezeńdi birtutas halyq bolyp birge eńseretinimizge senim bildirdi.
Aita keteiik, Nesipbek Aituly - belgili aqyn, Memlekettik syilyqtyń laýreaty (2012), Qazaqstannyń eńbek sińirgen qairatkeri (2011), «Parasat» ordeniniń iegeri (2004).
