مەملەكەت باسشىسى قاسىم-جومارت توقاەۆ بەلگٸلٸ اقىن, قازاقستاننىڭ ەڭبەك سٸڭٸرگەن قايراتكەرٸ نەسٸپبەك ايتۇلىن 70 جاسقا تولۋىمەن قۇتتىقتادى. پرەزيدەنتتٸڭ قۇتتىقتاۋ حاتىن مەرەيتوي يەسٸنە مəدەنيەت جəنە سپورت مينيسترٸ اقتوتى رايىمقۇلوۆا تابىستادى, دەپ حابارلايدى "ۇلت اقپارات".
«سٸز پوەزييا əلەمٸندە ٶزٸندٸك ورنى بار, ەگەمەن ەلٸمٸزدٸڭ جارقىن جەتٸستٸكتەرٸن جىر جولدارىمەن ٶرنەكتەگەن, تالعامى بيٸك وقىرماننىڭ جوعارى باعاسىن العان اقىن, سارا سٶزدٸڭ شەبەرٸ رەتٸندە قۇرمەتكە بٶلەنٸپ وتىرسىز. قازٸرگٸدەي سىن ساعاتتا حالقىمىزدى سابىرلى, ىنتىماقتى بولۋعا شاقىرىپ, ازاماتتىق ٷن قوسقان پايىمدى وي-پٸكٸرلەرٸڭٸز جۇرتشىلىقتىڭ كٶڭٸلٸنەن شىعۋدا.
قازاق əدەبيەتٸنٸڭ دامۋىنا قوسقان ەلەۋلٸ ٷلەسٸڭٸز ٷشٸن سٸزگە العىسىمدى بٸلدٸرٸپ, مەرەيتويىڭىزبەن قۇتتىقتايمىن! ٶزٸڭٸزگە زور دەنساۋلىق, شىعارماشىلىق تابىس جəنە əۋلەتٸڭٸزگە قۇت-بەرەكە تٸلەيمٸن», – دەلٸنگەن مەملەكەت باسشىسىنىڭ قۇتتىقتاۋ حاتىندا.
سونىمەن قاتار اقتوتى رايىمقۇلوۆا نەسٸپبەك ايتۇلىن مينيسترلٸك اتىنان دا قۇتتىقتاپ, شىعارماشىلىق تابىس تٸلەدٸ.
«سٸز - تٶل əدەبيەتٸمٸز بەن مəدەنيەتٸمٸزدٸ بايىتۋعا ٶلشەۋسٸز ٷلەس قوسىپ كەلە جاتقان ادۋىندى اقىن, قاجىرلى قايراتكەرسٸز. ۇزاق جىل اسىل سٶزبەن قازاق رۋحانيياتىنا قالتقىسىز قىزمەت ەتٸپ كەلە جاتقان مەرزٸمدٸ باسىلىمداردا لاۋازىمدى قىزمەت اتقارىپ, قالىڭ وقىرماننىڭ كٶكجيەگٸن كەڭەيتەتٸن مازمۇندى ماتەريالداردىڭ جارىق كٶرۋٸنە سٷبەلٸ ٷلەس قوستىڭىز. «جٷرەكتەگٸ جاڭعىرىقتار», «ەكە تۋرالى سىر», «جاڭبىر ەنٸ», «تٷندەلەپ ۇشقان تىرنالار», «رۋحىمنىڭ پاديشاسى», «مۇقاعالي-جەلتوقسان» جəنە تاعى باسقا كٶركەم سٶزبەن كٶمكەرٸلگەن ماعىنالى كٸتاپتارىڭىزبەن پوەزييادا تىڭ قۇبىلىس قالىپتاستىردىڭىز. Əلەم جازۋشىلارىنىڭ تاڭداۋلى شىعارمالارىن انا تٸلٸمٸزدە سٶيلەتٸپ, تالعامپاز وقىرماننىڭ ىستىق ىقىلاسىنا بٶلەنٸپ كەلەسٸز. الداعى ۋاقىتتا دا ەسەلٸ ەڭبەگٸڭٸز بەرەكەلٸ بولىپ, تولايىم شىعارماشىلىق جەتٸستٸكتەرگە قول جەتكٸزە بەرۋٸڭٸزگە تٸلەكتەسپٸن», – دەدٸ مينيستر.
ٶز كەزەگٸندە نەسٸپبەك ايتۇلى مەملەكەت باسشىسىنا العىسىن ايتىپ, سىندارلى كەزەڭدٸ بٸرتۇتاس حالىق بولىپ بٸرگە ەڭسەرەتٸنٸمٸزگە سەنٸم بٸلدٸردٸ.
ايتا كەتەيٸك, نەسٸپبەك ايتۇلى - بەلگٸلٸ اقىن, مەملەكەتتٸك سىيلىقتىڭ لاۋرەاتى (2012), قازاقستاننىڭ ەڭبەك سٸڭٸرگەن قايراتكەرٸ (2011), «پاراسات» وردەنٸنٸڭ يەگەرٸ (2004).
