Memleket basshysy Qasym-Jomart Toqaev KAZ Minerals toby direktorlar keńesiniń tóraǵasy Oleg Novachýkti qabyldady. Bul týraly Aqorda saity habarlady.
Qasym-Jomart Toqaevqa Aqtoǵai ken baiytý kombinaty qurylysynyń ekinshi kezeńi týraly aqparat berildi. Zamanaýi jáne tsifrlyq tehnologiialar qoldanylatyn nysan paidalanýǵa berilgennen keiin, ol álemdegi mys kontsentratyn óndiretin iri kásiporyndardyń qataryna qosylýǵa múmkindik alady. Jobaǵa 1,2 milliard AQSh dollary kóleminde investitsiia salynady. Munda qosymsha 1200 jańa jumys orny ashylady.
Prezident kombinattyń qurylysyn aiaqtap, Táýelsizdik kúni qarsańynda iske qosýdy tapsyrdy. Oleg Novachýk kompaniia qyzmetkerleri Memleket basshysynyń tapsyrmasyn barynsha qysqa merzimde oryndap, josparǵa sáikes ónim óndire bastaitynyn aitty.
Qasym-Jomart Toqaevqa jumysshylarǵa jasalyp jatqan jaǵdai jaiynda, atap aitqanda, olardy baspanamen, azyq-túlikpen qamtamasyz etý, bos ýaqyttaryn tiimdi ótkizýdi uiymdastyrý týraly baiandaldy.
