Memleket basshysy Qasym-Jomart Toqaev Tamyz konferentsiiasynda aǵylshyn tilin oqytý qai synyptardan bastalatynyn aitty, dep habarlaidy QazAqparat.
«3 tildi júiege kóshý, oqytýshylar men bilim berý baǵdarlamalarynyń daiyndyǵyna qarai júzege asady. Bul rette ǵylymi-jaratylystaný pánderin aǵylshyn tilinde oqytý bilim ortalyqtarynyń kadrlyq múmkindikterine qarai oqýshylar men ata-analardyń qalaýy boiynsha iske asyrylýy tiis. Tuńǵysh Prezidentimiz Nursultan Ábishuly Nazarbaev: «Qazaq tili úsh tildiń bireý bolyp qalmaidy, úsh tildiń birinshisi, negizgisi, bastysy, mańyzdysy bola beredi», dep óte ónegeli oi aitty. Sondyqtan aǵylshyn tilin oqytýdy 2-3 synyptan nemese ata-analardyń qalaýyna qarai besinshi synyptan bastaý oryndy ári tiimdi bolady dep sanaimyn», - dedi Prezident.
