مەملەكەت باسشىسى قاسىم-جومارت توقاەۆ تامىز كونفەرەنتسيياسىندا اعىلشىن تٸلٸن وقىتۋ قاي سىنىپتاردان باستالاتىنىن ايتتى, دەپ حابارلايدى قازاقپارات.
«3 تٸلدٸ جٷيەگە كٶشۋ, وقىتۋشىلار مەن بٸلٸم بەرۋ باعدارلامالارىنىڭ دايىندىعىنا قاراي جٷزەگە اسادى. بۇل رەتتە عىلىمي-جاراتىلىستانۋ پەندەرٸن اعىلشىن تٸلٸندە وقىتۋ بٸلٸم ورتالىقتارىنىڭ كادرلىق مٷمكٸندٸكتەرٸنە قاراي وقۋشىلار مەن اتا-انالاردىڭ قالاۋى بويىنشا ٸسكە اسىرىلۋى تيٸس. تۇڭعىش پرەزيدەنتٸمٸز نۇرسۇلتان ەبٸشۇلى نازارباەۆ: «قازاق تٸلٸ ٷش تٸلدٸڭ بٸرەۋ بولىپ قالمايدى, ٷش تٸلدٸڭ بٸرٸنشٸسٸ, نەگٸزگٸسٸ, باستىسى, ماڭىزدىسى بولا بەرەدٸ», دەپ ٶتە ٶنەگەلٸ وي ايتتى. سوندىقتان اعىلشىن تٸلٸن وقىتۋدى 2-3 سىنىپتان نەمەسە اتا-انالاردىڭ قالاۋىنا قاراي بەسٸنشٸ سىنىپتان باستاۋ ورىندى ەرٸ تيٸمدٸ بولادى دەپ سانايمىن», - دەدٸ پرەزيدەنت.
