Foto: Aqorda
Úkimettiń keńeitilgen otyrysynda Memleket basshysy Qasym-Jomart Toqaev energiia tapshylyǵy artyp kele jatqanyna toqtaldy, dep habarlaidy Ult.kz.«Alǵashqy Atom elektr stansasynyń qurylysyn tezdetý qajet. Jalpy elimizde iadrolyq klaster qurý isin qolǵa alý kerek. Bul elimizdiń bolashaqta oidaǵydai damýyna qatysty asa mańyzdy mindet.
Úkimetke «Samuryq-Qazyna» qorymen birlesip, atom salasyn damytýdyń uzaq merzimge arnalǵan josparyn ázirleýdi tapsyrdym», - dedi Prezident.
Qasym- Jomart Toqaev, jan-jaqty taldaý júrgizip, AES salýǵa barynsha qolaily jerlerdi, sondai-aq zamanaýi jáne qaýipsiz tehnologiialardy anyqtaýdy mindettedi.
«Úkimet pen Parlament ekinshi iadrolyq stansany qai aimaqta salý qajet ekeni jóninde maǵan usynys berýi kerek. Biraq atap ótkim keledi: elimizge iadrolyq qýat kerek, onsyz Qazaqstan keleshekte oidaǵydai dami almaidy.
Qýat degenimiz – búkil ekonomikanyń damýy degen sóz. Ekinshiden, qýat jetkilikti bolsa, barlyq aimaqtar gúldenip, órkendei túsedi, halyqtyń turmysy jaqsarady. Bul – aidan anyq», - dedi Prezident.
