Foto: Aqorda
Memleket basshysy Qasym-Jomart Toqaev ál-Farabi atyndaǵy ǵylym men tehnika jáne A.Baitursynuly atyndaǵy gýmanitarlyq ǵylymdar salasyndaǵy 2025 jylǵy Qazaqstan Respýblikasynyń memlekettik syilyqtaryn berý týraly Jarlyqqa qol qoidy, dep habarlaidy Ult.kz.
🔹 Ál-Farabi atyndaǵy ǵylym men tehnika salasyndaǵy memlekettik syilyq iegerleri:
1️⃣ «Qazaqstan Respýblikasynyń gidrogeologiialyq kartalar atlasy» jobasy úshin:
-
Mális Qudysuly Ábsámetov – geologiia-mineralogiia ǵylymdarynyń doktory, professor, «Ý.M. Ahmedsafin atyndaǵy Gidrogeologiia jáne geoekologiia institýty» JShS direktory;
-
Rahmatýlla Aiazbaev – «AlmatyGidroGeologiia» JShS bas direktory;
-
Erjan Itemenuly Kóldeev – tehnika ǵylymdarynyń kandidaty, professor, Q.I. Sátbaev atyndaǵy Qazaq ulttyq tehnikalyq zertteý ýniversitetiniń ǵylym jáne korporativtik damý jónindegi prorektory;
-
Ermek Jámshituly Murtazin – geologiia-mineralogiia ǵylymdarynyń kandidaty, «Ý.M. Ahmedsafin atyndaǵy Gidrogeologiia jáne geoekologiia institýty» JShS direktorynyń ǵylym jónindegi orynbasary;
-
Vladimir Aleksandrovich Smoliar – geologiia-mineralogiia ǵylymdarynyń kandidaty, óńirlik gidrogeologiia jáne geoekologiia zerthanasynyń bas ǵylymi qyzmetkeri.
2️⃣ «Konditsiialyq emes tústi metallýrgiia shikizatynan joǵary sapaly selen alýdyń ekologiialyq qaýipsiz vakýým-termiialyq tehnologiiasyn ázirleý jáne ony ónerkásiptik óndiriske engizý» jobasy úshin:
-
Baqdáýlet Kenjáliuly Kenjáliev – tehnika ǵylymdarynyń doktory, professor, «Metallýrgiia jáne ken baiytý institýty» AQ bas direktory;
-
Valerii Nikolaevich Volodin – tehnika jáne fizika-matematika ǵylymdarynyń doktory, professor, atalǵan institýttyń bas ǵylymi qyzmetkeri;
-
Erjan Arystanbekuly Ospanov – tehnika ǵylymdarynyń doktory, «Qazaqmys korporatsiiasy» JShS keshendi tehnologiialardy damytý jáne investitsiialardy josparlaý departamentiniń direktory;
-
Sergei Anatolevich Trebýhov – tehnika ǵylymdarynyń kandidaty, professor, «Metallýrgiia jáne ken baiytý institýty» AQ bas direktorynyń orynbasary;
-
Aleksandr Aleksandrovich Shahalov – «Qazaqmys korporatsiiasy» JShS tehnogendik shikizatty keshendi qaita óńdeý basqarmasynyń bastyǵy.
🔹 A.Baitursynuly atyndaǵy gýmanitarlyq ǵylymdar salasyndaǵy memlekettik syilyq iegerleri:
1️⃣ «Qazaqstan arheologiiasy. Derekter men zertteýler» seriialy basylymy úshin:
-
Zainolla Samashev – tarih ǵylymdarynyń doktory, professor, «Á.H. Marǵulan atyndaǵy Arheologiia institýtynyń» bas ǵylymi qyzmetkeri.
2️⃣ «Qazaqstannyń úzilissiz memlekettiligi tarih tolqynynda. XV–XIX ǵasyrlardaǵy eýropalyq jáne amerikalyq kartalaryndaǵy Qazaq Memleketi» atty zertteý eńbegi úshin:
-
Muhit-Ardager Qarjaýbaiuly Sydyqnazarov – filologiia ǵylymdarynyń kandidaty, filosofiia doktory (PhD), professor, L.N. Gýmilev atyndaǵy Eýraziia ulttyq ýniversitetiniń Zamanaýi zertteýler ǵylymi-zertteý institýtynyń direktory.
Bul marapattar — Qazaqstan ǵylymy men gýmanitarlyq salasynyń úzdik ókilderiniń eńbegin moiyndaý jáne eldiń ziiatkerlik áleýetin arttyrý jolyndaǵy mańyzdy qadam.
