Parlament Májilisiniń spikeri Erlan Qoshanov tómengi palatanyń plenarlyq otyrysyna daiyndyqsyz kelgen vitse-ministrlerge eskertý jasady, dep habarlaidy Sputnik Qazaqstan.
Búgin Májiliste "Keibir zańnamalyq aktilerge memleket basshysynyń jekelegen tapsyrmalaryn iske asyrý máseleleri boiynsha ózgerister engizý týraly" zań jobasy talqylandy. Suraq-jaýap barysynda vitse-ministrler depýtattardyń saýalyna mardymdy jaýap bere almady.
Úkimet músheleriniń jaýabyna Májilis spikeri Erlan Qoshanovtyń da kóńili tolmady.
"Plenarlyq otyrysqa daiyndalyp kelý kerek. Qol astyndaǵy adamdardyń qoldaryńyzǵa jazyp bergen anyqtamasyn oqyp berýdiń qajeti joq. Osy suraqtardyń barlyǵy buǵan deiin jumys tobynda talqylandy, komitettiń otyrysynda qaraldy. Endi ony osy jerge kelgende bes saýsaqtai bilip turýlaryńyz kerek qoi", - dedi spiker vitse-ministrlerge.
"Men Úkimet ókiline de osy eskertpeni aitamyn. Premer-ministrge jetkizińiz. Eger osy jerde daiyn emes ministrlikterdiń ókilderi bolsa, ornyna basqa adamdar kelsin", - dep ashýlandy Qoshanov.
