Ulytaý oblysyna jumys sapary aiasynda Qazaqstan Respýblikasy Premer-ministriniń birinshi orynbasary Nurlybek Nálibaev Ulytaý oblysynyń ákimi Dastan Ryspekovpen birge «Qazaqmys» Tobynyń óndiristik jáne áleýmettik nysandaryn aralady. Kompaniia júzege asyryp jatqan investitsiialyq bastamalar týraly «Qazaqmys korporatsiiasy» JShS Basqarma tóraǵasy Rýslan Óskenáli baiandady.
Jezqazǵan mys balqytý zaýytynda kúrdeli jóndeý, óndiristik jabdyqtardy jańǵyrtý jáne óndiristi ekologiialyq turǵydan jańartý jobalary tanystyryldy. Strategiialyq investitsiialyq jobalardy iske asyrý máselesine erekshe nazar aýdaryldy. Olardyń qatarynda jańa kúkirt qyshqyly tsehy men gaz-porshendi elektr stantsiiasynyń qurylysy bar. Bul jobalar óndiristiń ekologiialyq tiimdiligin arttyrýǵa, kásiporynnyń energetikalyq turaqtylyǵyn nyǵaitýǵa jáne onyń tehnologiialyq damýyn qamtamasyz etýge múmkindik beredi.
Jezqazǵan baiytý fabrikasyna jumys sapary barysynda Premer-ministrdiń birinshi orynbasary óndiristik úderispen, iske asyrylyp jatqan jańǵyrtý baǵdarlamalarymen jáne mineraldyq shikizatty óńdeý tiimdiligin arttyrýǵa baǵyttalǵan is-sharalarmen tanysty.
Sapar baǵdarlamasynyń mańyzdy tarmaqtarynyń biri – Keńgir sý qoimasy jaǵalaýyn abattandyrýdyń ekinshi kezeńi boldy. Joba «Qazaqmys» Toby men Ulytaý oblysy ákimdiginiń birlesken bastamasy retinde júzege asyrylýda. Qurylys quny shamamen 3,4 mlrd teńgeni quraidy, al jumysty aiaqtaý 2026 jyldyń tórtinshi toqsanyna josparlanǵan.
Rýslan Óskenáli óndiristik qýatty jańǵyrtý, kásiporyndardyń ekologiialyq tiimdiligin arttyrý jáne áleýmettik infraqurylymdy damytý kompaniianyń uzaq merzimdi strategiiasynyń ózara sabaqtas baǵyttary ekenin atap ótti.
«Qazaqmys» Toby Ulytaý oblysynyń damýyna investitsiia salatyn eń iri kompaniialardyń biri bolyp qala beredi. 2026 jyly kompaniia óńirde jalpy quny 30 mlrd teńgeden asatyn áleýmettik infraqurylymdyq jobalardy iske asyrýda. Olardyń qatarynda Serke Qojamqulov atyndaǵy oblystyq teatrdy qaita jańǵyrtý, «Jastar» saiabaǵyn abattandyrý, Keńgir sý qoimasy jaǵalaýynyń qurylysy, Ulytaý ýniversitetin qurý, stýdentterge arnalǵan jataqhana salý, densaýlyq saqtaý, sport jáne qalalyq infraqurylym nysandaryn damytý jobalary bar. Bul bastamalardyń barlyǵy óńir turǵyndarynyń ómir súrý sapasyn arttyrýǵa baǵyttalǵan jáne kompaniianyń uzaq merzimdi áleýmettik saiasatynyń mańyzdy bóligi bolyp tabylady.
