Foto: Úkimet
Premer-ministr Oljas Bektenov Senat otyrysynda biýdjet shyǵystaryn ońtailandyrýǵa qatysty suraqqa jaýap bere otyryp, aldaǵy úsh jyldyq kezeńge arnalǵan respýblikalyq biýdjettiń negizgi baǵyttaryn túsindirdi, dep habarlaidy Ult.kz.
Úkimet basshysy bazalyq shyǵystar 15%-dan 12%-ǵa deiin qysqartylǵanyn aitty. Soǵan qaramastan, áleýmettik sala biýdjetke eń úlken júkteme bolyp qalyp otyr — áleýmettik tólemder men qoldaý sharalary jalpy shyǵystyń 60%-yn quraidy.
«Respýblikalyq biýdjette bul shyǵyndar uzaq ýaqyt boiy 40%-dan joǵary boldy. Qazir biz ony 38%-ǵa deiin túsirdik, ári qarai da tómendetýge múmkindik bar. Bul baǵyttaǵy jumysty jalǵastyramyz», — dedi Premer-ministr.
Oljas Bektenov áleýmettik qoldaý tek shynymen ózdiginen kún kóre almaityn azamattarǵa ǵana kórsetiletinin atap ótti.
«Túrli obektivti sebeptermen eńbek etýge múmkindigi joq adamdar ǵana memleketten kómek alady. Al jumys istei alatyn azamattar jumys isteýi tiis. Memleket olardy qamqorlyǵynda ustamaýy kerek jáne ustamaidy da», — dedi Úkimet basshysy dep habarlaidy Ult.kz.
