Búgin Úkimet otyrysynda Premer-Ministr Asqar Mamin jańartylatyn energiia kózderin (JEK) damytýǵa qatysty birqatar tapsyrma júktedi, dep habarlaidy "Ult aqparat".
«Ózderińizge málim, jańartylatyn energiia kózderiniń eń keń taralǵany – kún men jel energiiasyn óndirý aýa raiynyń ózgerýine bailanysty. Bul óndirý qýatynyń turaqsyz bolýyna ákeledi jáne Qazaqstannyń biryńǵai energiia júiesiniń ornyqtylyǵyna áser etedi. Osyǵan orai, Energetika ministrligine Ekologiia ministrligimen jáne «KEGOC» aktsionerlik qoǵamymen birlesip, elektr energiiasynyń turaqty óndirisin damytý boiynsha usynystar engizýdi jáne jańartylatyn energiia kózderin jinaqtaý qoimalaryn engizý máselesin pysyqtaýdy tapsyramyn», - dedi Úkimet basshysy.
Onyń aitýynsha, qazirgi kezde jańartylatyn energiia kózderi obektileriniń shaǵyn toraptyq aimaqtaryn jasaý úlgileri bar, munda bir aimaqta birneshe obekti iske asyrylady. Osyǵan bailanysty Energetika ministrligine ákimdiktermen birlesip, jańartylatyn energiia kózderiniń óńirlik aimaqtaryn qurý máselesin pysyqtaý tapsyryldy.
«Gaz elektr stantsiialaryn iske qosý jańartylatyn energiia kózderiniń qosymsha kólemin integratsiialaý boiynsha energiia júiesi múmkindikterin ulǵaitýǵa múmkindik beredi. Sondyqtan Energetika ministrligine «KEGOC» aktsionerlik qoǵamymen birlesip, 2022 jyldan bastap naqty ýaqyt rejiminde teńgerimdi naryqty iske asyrý jumysyn júrgizýdi tapsyramyn. Osy sharalardy iske asyrýdyń nátijesinde jańartylatyn energiia kózderiniń turaqty naryǵyn damytýǵa qajet jaǵdai jasalynady jáne oǵan negiz bolady», - dedi Asqar Mamin.
