Mańǵystaý jáne Qostanai oblystarynda ekpe alýǵa tiis halyqtyń jartysy ǵana vaktsina saldyrǵan. Bul týraly QR Premer-Ministri Álihan Smaiylov Úkimet otyrtssynda málim etti, dep habarlaidy QazAqparat.
«Mektep oqýshylary arasynda koronavirýs infektsiiasynyń kóbeigenin eskerip, ákimderge barlyq oqý oryndarynda sanitariialyq-epidemiologiialyq rejimniń buljytpai saqtalýyn qamtamasyz etýdi tapsyramyn. Sondai-aq halyqty vaktsinalaý jáne revaktsinalaý jumystaryn barynsha kúsheitý qaje», - degen Premer-Ministr buǵan deiin berilgen tapsyrmalarǵa qaramastan, Mańǵystaý jáne Qostanai oblystarynda ekpe alýǵa tiis halyqtyń jartysy ǵana vaktsina saldyrǵanyn atap ótti.
Aiýynsha, el astanasy men Almatyda jáne Mańǵystaý oblysynda revaktsinalaý qarqyny jaqsarmaǵan.
«Al, Shyǵys Qazaqstan oblysynda vaktsinamen qamtý 100 protsent, revaktsinalaý shamamen 80 protsentke jetip otyr. Jambyl oblysynda vaktsina saldyrý 100 protsentke, al revaktsinalaý – 66 protsentke jýyqtady.
Bul – basqa óńirler úshin úlgi bolarlyq jumys. Kósh sońyndaǵy aimaqtardyń ákimderi vaktsinalaý jáne revaktsinalaý máselesin kúndelikti baqylaýǵa alýy tiis», - dedi Úkimet basshysy.
