Foto: Úkimet
Premer-ministr Oljas Bektenov Ulttyq quryltaidyń V otyrysynda Memleket basshysy Qasym-Jomart Toqaev jariialaǵan bastamalar aýqymdy saiasi reformalardyń logikalyq jalǵasy ekenin atap ótti, dep habarlaidy Ult.kz.
Úkimet basshysynyń aitýynsha, Parlament pen qoǵamdyq institýttardyń rólin kúsheitýge baǵyttalǵan usynystar saiasi júiemen qatar, qoǵamnyń demokratiialyq mádenietin birjolata ornyqtyrýǵa jol ashady. Bul qadamdar Qazaqstannyń zamanaýi syn-tegeýrinderge tótep berýine negiz bolatyn mańyzdy ideologiialyq tujyrymdardy aiqyndap otyr.
Premer-ministr Prezident belgilegen negizgi qundylyqtarǵa qoǵamdy uiystyrý, otanshyldyq, ádildik jáne «Zań men Tártip» qaǵidattaryna berik ustanym kiretinin aitty. Sonymen qatar ulttyq ideologiianyń ajyramas bóligine ainalǵan «Taza Qazaqstan» bastamasy da negizgi basymdyqtardyń qatarynda qala beredi.
"Memleket basshysy árbir jaýapty laýazymdy tulǵaǵa batyl ári tosyn innovatsiialyq sheshimder qabyldaý qajettigi týraly qatań talaptar qoidy. Bul ómirdiń barlyq salasyna qatysty.
Árbir ministr men ákimnen, árbir sala men óńirde kózge kórinetindei naqty nátijeler kerek", - dedi Oljas Bektenov.
