Úkimet basshysy Oljas Bektenov keshegi Almatyda bolǵan jer silkinisine qatysty pikir bildirip, quzyrly organdarǵa tapsyrma júktedi, dep habarlaidy "Ult aqparat".
«Tótenshe jaǵdailar ministrligi, ákimdik jáne basqa da memlekettik organdar bolǵan jaǵdaiǵa qatysty shuǵyl áreket ete bildi. Bul joly dabyl men halyqty qulaqtandyrý júiesi ýaqtyly iske qosyldy. Qala halqy qabyldaý pýnktilerine evakýatsiialandy. Baǵymyzǵa orai, aitarlyqtai zardaptar bolǵan joq», - dedi Oljas Bektenov.
Premer-ministrdiń aitýynsha, qazir jaǵdaidy esepteý-baǵalaý jumystary jalǵasyp jatyr. Sondai-aq Úkimet basshysy Tótenshe jaǵdailar ministrligi eldegi seismologiialyq ahýalǵa turaqty monitoringti qamtamasyz etýi kerektigin aitty.
«Kúshter men quraldar saqadai sai bolýǵa tiis. Halyqpen aqparattyq túsindirý jumystaryn jalǵastyrý qajet. Sonymen qatar Tótenshe jaǵdailar ministrligi elimizdiń taýly aimaqtarynda sel jáne lai kóshkini júrý qaýipine qatysty tiisti monitoringti qamtamasyz etýi tiis», - dedi ol.
Odan bólek, Oljas Bektenov tótenshe jaǵdaida jedel áreket etý sharalaryn qabyldaýdy tapsyrdy.
