Búgin Úkimet otyrysynda Premer-Ministr Asqar Mamin baǵa ósimi bolǵan óńir ákimdikterin synǵa aldy, dep habarlaidy QazAqparat.
«Sonymen qatar, osy jylǵy shildede infliatsiia ósti. Infliatsiianyń ósýine azyq-túlik taýarlarynyń qymbattaýy kóp áser etti, baǵa 2020 jylmen salystyrǵanda 11 paiyzǵa ósken. Baǵanyń eleýli qymbattaýy Túrkistan oblysynda, Nur-Sultanda jáne Qaraǵandy oblysynda baiqaldy. Bul – eń aldymen, ákimdikter tarapynan sharalar jetkilikti qabyldanbaidy degen sóz. Sharalardy kúsheitip, erekshe baqylaýǵa alý qajet», - dedi Mamin.
Sonymen qatar ol áleýmettik mańyzy bar taýarlar baǵasyn turaqtandyrý boiynsha tapsyrma berdi.
«Ulttyq ekonomika ministrligi múddeli memlekettik organdarmen birlesip, osy jylǵy tamyzdyń sońyna deiin infliatsiiaǵa qarsy den qoiý sharalar keshenin, sonyń ishinde áleýmettik mańyzy bar taýarlar baǵasyn ósirmeý boiynsha jańa sharalar keshenin qabyldap, onyń iske asyrýdy bastaýǵa tapsyramyn. Barlyq óńirler josparlanǵan áleýmettik-ekonomikalyq damý kórsetkishterine qol jetkizýdi jáne Memleket basshysy belgilegen mindetterdi tiimdi iske asyrýdy qamtamasyz etýi qajet», - dedi Úkimet basshysy.
