Foto: Zakon.kz
Premer-ministr Oljas Bektenov Úkimet otyrysynda infliatsiiany aýyzdyqtaýǵa qatysty tapsyrma berdi, dep habarlaidy Ult.kz.
- Sońǵy eki aida infliatsiia deńgeii 12,4%-ǵa deiin tómendedi. Alaida keibir óńirlerde, atap aitqanda Ulytaý, Aqmola jáne Atyraý oblystarynda kerisinshe, óskeni baiqalady. Basty sebep – azyq-túlik baǵasynyń qymbattaýy, - dedi ol.
Premer-ministr oblys ákimderiniń qolynda azyq-túlik baǵasyn turaqtandyrýǵa qajetti quraldyń bári bar ekenin atap ótti.
- Saýda ministrligine áleýmettik mańyzy bar azyq-túlik taýarlarynyń tizbesin ýaqytsha keńeitý jumysyn jedeldetýdi tapsyramyn. Bul qosymsha ónim túrleriniń baǵasyn retteýge múmkindik beredi. Sondai-aq azyq-túlik infliatsiiasynyń ósýine et jáne et ónimderi baǵasynyń úlesin eskere otyryp, Saýda, Aýyl sharýashylyǵy ministrlikteri men ákimdikter atalǵan ónimderdiń baǵasyn tejeýge erekshe nazar aýdarýy qajet.Sonymen qatar Astana qalasyndaǵydai, arzandatylǵan siyr etin iri saýda jelileri arqyly satý tájiribesin búkil el aýmaǵynda keńinen qoldanǵan jón, - dedi Oljas Bektenov.
