Foto: gurk.kz
Úkimet otyrysynda Qazaqstan Premer-Ministri Oljas Bektenov monoqalalar ákimdikterine kásipkerliktiń ósýi úshin jaǵdai jasaýdy tapsyrdy. Bul tásildiń tiimdi ekenin Saran qalasy úlgi retinde kórsetti, dep habarlaidy "Ult aqparat".
Ulttyq ekonomika ministrliginiń málimetinshe, óńirde 2021 jyly Indýstrialdyq aimaq qurylǵannan keiin oń dinamika baiqaldy: qala biýdjetine túsken salyqtyq aýdarymdar 4,5 esege artty, 2 myńnan astam jańa jumys orny quryldy jáne kólik quraldaryn, avtomobil dóńgelekterin, polietilen qubyrlaryn, turmystyq tehnika shyǵaratyn birqatar óndiris oryndary ashyldy.
«Saran qalasy aitarlyqtai túrlendi. Damý kórsetkishteri joǵarylady», – dedi Oljas Bektenov.
Ulttyq ekonomika ministrliginiń josparyna sáikes, osy baǵyttaǵy jumysty ári qarai jalǵastyrý úshin elimizdiń birneshe monoqalasynda óńirlik mańyzy bar indýstriialyq aimaqtardy qurý kózdelgen. Sondai-aq búginde Aqtóbe, Qaraǵandy jáne Atyraý oblystarynyń ákimdikteri tiisti jobalardy júzege asyryp jatyr.
