Búgin Úkimet úiinde QR Premer-Ministri Baqytjan Saǵyntaevtyń tóraǵalyǵymen «Samuryq-Qazyna» ulttyq ál-aýqat qory» AQ Direktorlar keńesiniń otyrysy ótti. Bul týraly primeminister.kz habarlaidy.
Otyrys barysynda «Samuryq-Qazyna» AQ transformatsiia baǵdarlamasyn iske asyrý barysy, jekeshelendirý máseleleri talqylanyp, sondai-aq 2017 jyly atqarylǵan jumystar qorytyndysy shyǵarylyp, kompaniianyń 2018-2022 jyldarǵa arnalǵan damý josparlary qaraldy.
Otyrys qatysýshylary 2014 jyldan bastap 2018 jyldyń 1 toqsany aralyǵyndaǵy paida men investitsiialar týraly málimetterden turatyn Qordyń Transformatsiia baǵdarlamasyn iske asyrý týraly esebin tyńdady. Qordyń Direktorlar keńesinde Esepti júieli túrde qaraý bolashaqta Baǵdarlamanyń bastamalaryn engizý tiimdiligin arttyrýǵa jol ashatyn basqarý sheshimderin ýaqytyly qabyldaý jáne áreket jasaý úshin qajet.
QR Prezidentiniń Jarlyǵymen 2008 jyly «Samuryq-Qazyna» qorynyń negizi qalandy. Investitsiialyq holdingtiń mindeti - QR ulttyq ál-aýqatyn arttyrý jáne ulttyq ekonomikany jańǵyrtýdy qoldaý. Qor qorjyndyq kompaniialardy olardyń uzaqmerzimdi qunyn jáne turaqty damýyn arttyrý úshin, sondai-aq ulttyq ekonomikanyń basym sektorlaryn damytýǵa investitsiialardy ótkizý arqyly basqarýmen ainalysady.
.jpeg)