QR Premer-Ministri Álihan Smaiylov Úkimet otyrysynda Nur-Sultan qalasy men Atyraý oblysynyń ákimderine koronavirýsqa qarsy vaktsinalaý jáne revaktsinalaý sharasyn erekshe baqylaýǵa alýdy tapsyrdy, dep habarlaidy QazAqparat.
«Qazir elimizde epidemiologiialyq ahýal turaqtalyp keledi. Óńirlerdiń kópshiligi «jasyl» aimaqta. Degenmen, epidemiologiialyq jaǵdaiǵa odan ári monitoring júrgizý qajet.
Memleket basshysynyń tapsyrmasy boiynsha sanitarlyq talaptardy jeńildetý sharalary qabyldanyp jatyr. Soǵan qaramastan ákimdikter vaktsinalaý men revaktsinalaý jumysyn jalǵastyrýy tiis», - dedi Úkimet basshysy.
Onyń málimeti boiynsha, óńirlerde vaktsina qory jetkilikti.
«Revaktsinalaý elordada jáne Atyraý oblysynda óte tómen. Kósh sońynda qalǵan óńir ákimderi osy máseleni erekshe baqylaýǵa alsyn», - degen Álihan Smaiylov orynbasary Eralyq Toǵjanovqa bul máseleni jalpy baqylaýǵa alýdy tapsyrdy.
