2023 jylǵa qarai pedagogterdiń ailyǵy eki ese ósip, 330 myń teńgeden asady. Bul týraly premer-ministr Asqar Mamin málimdedi, dep habarlaidy "Ult aqparat".
"Pedagogterdiń jalaqysy 2023 jylǵa qarai 2 ese, 330 myń teńgeden asatyn bolady. Ortasha jalaqy jyl saiyn keminde 25 protsent ósedi", - dedi Mamin májilistegi Nur Otan fraktsiiasynyń keńeitilgen otyrysynda sailaýaldy baǵdarlamany júzege asyrý boiynsha Jol kartasynyń jobasyn tanystyryp.
Aitýynsha, 2023 jylǵa qarai bilim berý júiesi bilikti muǵalimdermen 100 protsent qamtylady.
Budan bólek, 3-6 jas aralyǵyndaǵy balalar mektepke deiingi tárbiemen jáne oqytýmen tolyq qamtylady.
Apatty jáne úsh aýysymdy mektepter máselesin tolyq sheshý úshin 800 mektep salynady. Biyl 200 jańa mektep paidalanýǵa beriledi.
2025 jyly aýyl mektepteri internetke qosylady, sondai-aq kompiýterlermen jáne oqý protsesin uiymdastyrýǵa qajet basqa jabdyqtarmen qamtamasyz etiledi.
Jol kartasy sailaýaldy baǵdarlamanyń tórt baǵyty boiynsha 362 is-sharadan turady:
-
birinshi – "Barshaǵa teń múmkindik";
-
ekinshi – "Ziiatker, salamatty jáne yjdaǵatty ult";
-
úshinshi – "Ekonomika men óńirlerdiń turaqty damýy";
-
tórtinshi – "Halyqqa esep beretin memleket jáne jaýapty azamattar".
